Kolkata-a khualzin thangkhang te tan inhawng

Mizoram sawrkar in Lengpui Airport a khar rih tak avangin khualzin tangkhang ten harsatna an tawhlohna turin tura hmanna siam a ni.

Hemi chungchanga Kolkata Mizoram House-a Joint Resident Commissioner in thuchhuah a siamah Mizoram sawrkar chuan ram leh mipuite himna atana tihmakmawha ngaiin The Disaster Management Act, 2005 hmangin Lengpui Airport chu Ni 23.3.2020 (Thawhtanni) zanlai dar 11:59 a\angin thuleh awm hma a khar dawn vang leh Thlawhna service tih tawp leh 'lock down' avanga khualzin kal lai, Kolkata khawpuia tangkhang, hmun dang pan tur hre lo tan Mizoram House Salt Lake leh Mizoram House, New Town-ah te thlenna ruahman a ni tih a tarlang a. Thlen man leh ei man chu Mizoram House rate pangngai niin hmun hrang hrang atanga thleng khawm tur an nih dawn avangin mikhual lo thleng te hi ni 14 chhung (lock down hlih a nih hman loh chuan)  'compulsory quarantine' ah awm ngei ngei tur a ni tih an tarlang a. Hemi atana Mizoram House, Kolkata thuneitute ruahmanna zawm theilo tur chu mahni-a hmundang indap chawp tura hriattir nghal an nih thu a tarlang a. Duhthusam hmun ruak a awm theih loh avangin mahni-a inngaihtuah thei, Hotel emaw, chhungte leh hmelhriat tha pan tur emaw nei chuan midang harsa zawkte ken nan Mizoram House ti buai lo hram turin ngen nghal an ni bawk

Khualzin tangkhang, chiai leh mangang taka awmte tan, Kolkata khawpuiah a theih ang anga lo pui tura an awm thu pawh tarlangin, “Kan hmun leh hmain a tlin loh avangin kan theihna erawh tawp chin nei a ni tih min hriatthiampui a, a theihna kawng kawngah inpuitawn a, Mizo taka tlawmngaih chhuah leh inkaihhruaina te thuawih taka zawm turin kan inngen a ni,” a ti a. Harsatna nei tan JRC - 8974205411; ARC - 9007478184; Caretaker, New Town Mizoram House - 9436141653 leh Reception, Salt Lake Mizoram House - 03323353209-ah te biakpawh theih a ni bawk.