Serchhip District Magistrate in thupek tichhuak

Serchhip District Magistrate, H. Dolianbuaia chuan Coronovirus (COVID-19) leng mek chungchangah thuchhuah a siam.

Tunlaia natna hlauhawm tak, khawvel chawkbuaitu Coronavirus (Covid-19) hrileng chuan kan ram India ram ngei pawh nasa takin a rawn khawih buai ta a. He natna hian Mizoram a lo lut ang tih a hlauhawm em em a, tunah hian a lo lut tawh pawh a ni reng thei bawk. Engpawhnise, tuna kan dinhmun atang hian theih tawpa kan himna tura hmalak a lo tul ta a ni. State Level Task Force on Mitigation of Conoravirus (Covid-19) Dt, 21/3/2020 tlai dar 4:30 thukhawmin a rel ang leh Council of Ministers in thu tlukna a siam angin Serchhhip District-ah pawh mipui himna turin hma lak ngei a tul ni in ka hria a.

Chuvangin kei. H. DOLIANBUAIA MCS, DISTRICT MAGISTRATE, Serchhip District, chuan Clause 11 of the Mizoram Epidemic Diseases (Covid -19) Regulations-2020 leh Section 144 of Cr. PC,1973 in thuneihna min pek angin hetiang hian mipuite him nan thupek ka siam e:

1. COVID-19 Mizorama a darh ve lohna turin 22/3/2020 (Pathianni) atanga 29/3/2020 (Pathianni) thleng Serchhip District huam chhunga damdawi dawr leh nitin mamawh (Essential Commodities) dawr tiam lovin dawr zawng zawng khar vek tur a ni.

2. Hemi hun chhung (22/3/2020-29/3/2020) hian lirthei eng chi pawh, phalna nei an nih loh chuan tlanchhuah phal a ni lo. Office kai ni ah chuan Sawrkar office hawn vek tur a ni a, office kalna tura lirthei hman te he thupek hian a huam lovang. Tin, a hnuaia tarlan te hi he thupek hian a huam lo bawk ang:-

1. Medical Staff

2. P/E Department Staff

3. PHE Department Staff

4. Defence Personnel

5. Police & Para-military Personnel

6. Magistrate duty

7. Bawnghnute sem

8. Thlawhnaa zin tur leh haw tur

9. Emergency hnathawkte

10. Press

11. Tulbik thil a phalna pekte

3 Mizoram hmun dang leh ramdang atanga Serchhip District luhna kawngpui zawng zawng chu khar vek tur a ni. Hei hian ei leh bar phur emaw damdawi lam thawktute leh ambulance motor te a huam lovang.

He thupek hian Dt. 29/03/2020 (Pathianni ) thleng  a huam ang.

He thupek bawhchhia man an awm a nih chuan Section 188, IPC hmangin hrem an ni ang.

He thupek hi Vawiin March 22, 2020 (Pathianni)  hian District Magistrate seal a nemnghetin ka hming ka ziah hnan e.