Special Packages” cheng vaibelchhe nuai khat leh singsarih ruahman a ni

Union Finance Minister Nirmala Sitharaman-i chuan COVID-19 hri leng vanga India ramchhunga mi retheiten harsatna an tawh loh nan a bika chhawmdawlna “Special Packages” cheng vaibelchhe nuai khat leh singsarih ruahman a nih thu Vawiin khan a puang
Union Finance Minister chuan chhawmdawlna hian a bik takin nitina inhlawhfate leh mahni chenna nilo ram danga inhlawhte harsatna sutkian sak chu a tum ber a nih thu a sawi a. He  chhawmdawlna kaltlanga tanpuina pek tur tlangpui te chu :
Pradhan Mantri Gareeb Kalyan Ann Yojna (PMGKY) hnuaiah :
1.    Ration lakna (Public Distribution System) hnuaiah BPL chhungkaw member tin ten kar khata buhfai kg 5 theuh an dawn mek bakah tun atanga thla thum (April-June,2020) chhungin kartin kg 5 theuh an dawn belh vek ang a, dal kg 1 an dawng ziah bawk ang.
2.    Covid19 do tura a hmatawnga tang (frontline workers) zawng zawng -   sanitation workers, ASHA workers, doctors, nurses, paramedics ten an mamawh hun atan healthcare insurance cover Rs. 50 lakh ruahman sak an ni.
Direct Benefit Transfer hnuaiah :
1.    Kisan Samman Nidhi hnuaiah loneitu kuthnathawk vaibelchhe 8.69 te chu April thla kar hmasa berah Rs. 2000 theuh pek an ni ang.
2.    MGNREGA hnuaia ni za inhlawhna rate nikhata Rs. 182 ni thin chu Rs. 202 ah tihsan a ni a, hei hi chhungkaw vaibelchhe 5 in an tangkaipui dawn a ni.
3.    Kum upa (senior citizens) rualbanlo (persons with disabilities/Divyangs) leh hmeithai (widows) vaibelchhe 3 zet chu tanpuina a hranpa in Rs. 1000 theuh pek an ni ang. Tanpuina hi installment vawihnih a pek an ni ang a, thla thum chhunga pek tlak vek tur a ni ang.
4.    Jan Dhan account nei hmeichhiate chu thla thum chhung (April-June, 2020) chhung thla tin  Rs. 500 pek an ni ang. Hei hian hmeichhia vaibelchhe 20 vel a pui dawn a ni.
5.    Ujwala Scheme hnuaia BPL chhungkua vaibelchhe 8.3 vel chu thla thum chhung (April-June, 2020) LPG cylinder pathum a thlawna pek an ni ang.
6.    Deen Dayal National Livelihood Mission hnuaia hmeichhe Self-help Group (SHG) nuai 63 zetin dahkham ngailo ‘collateral-free” loan cheng nuai 10 an lak theih chu cheng nuai 20 a tihpun a ni.
7.    Sawrkar laipui chuan organised sector establishment-a hnathawktu (employee) leh a ruaitu (employer) te EPF thawhkhawm 24% chu thla thum (April-June, 2020) chhung atan a tum sak dawn a. Amaherawhchu, hnathawktu 100 nei tling lo an ni tur a ni a, an mi rawih za zela sawmkuate chu cheng 15,000 hlawh pha lo an ni bawk tur a ni.  Hei hi hnathawktu mi vaibelchhe 4.8 velin an chhawr tangkai dawn a ni.
8.    State sawrkarte chu building & construction labourers te puala welfare fund a siam atangin he fund in a huam te zinga lock down vanga harsatna tawk an awm chuan chhawmdawl nan welfare fund an hmang tangkai tur a ni.
9.    Construction workers / Nitin inhlawhfa te chuan Lock Down chhunga an mamawh ang ang State sawrkarin a enkawl sak Welfare Fund atangin a pe chhuak tur a ni.

Comments

Chhiar Hlawhte