Inkhawm kalpui rihloh rel

Presbyterian Serchhip Pastor Bial Standing Committee chuan an Bial huamchhunga Koh-hran hrang hrangah March 19, 2020 atanga April 15, 2020 thleng inkhawm Programme hrang hrang kalpui rihloh turin an ti.
Nimin zing khan Presbyterian Serchhip Pastor Bial Standing Committee hian thutkhawm neiin Coronavirus (COVID-19) leng avanga hmalak dan tur relin, he hri leng mek a darh zel tur venna atan an Bial huamchhunga Kohhran hrang hrangte chuan Vawiin, March 19, 2020 atanga April 15, 2020 thlengin Kohhran inkhawm hrang hrang leh Koh-hran punkhawmna te kalpui rihloh turin a rel a, heng zingah hian Pathianni Sunday School te, zing, chhun leh zan-a inkhawm te, Kohhran hla zir leh Fellowship te pawh a tel dawn a ni.
Serchhip Vengchung Pastor Bial Standing Committee pawhin tun thla, March ni 21, 2020 (Inrinni) atanga April 15 thlengin hetiang punkhawmna hi neih loh nise tiin nimin chawhnu lam khan an rel a, buhfaitham pawh mahni tham theuh khul nghal mai nise an ti bawk.

Comments

Chhiar Hlawhte