Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Kut silna leh hmai khuhna lei tur awm meuh tawhlo

Coronavirus laka him theihna tura mipui ten an beisei, Hmai khuhna (Face Mask) leh Kut silna (Hand Sanitizer) te chu Serchhip-ah lei tur awm mumal tawhlo.
Nimin khan kan Palai chuan Ser-chhip Bazar-a damdawi zawrhna leh Make up zawrhna dawr thenkhat te tlawhkualin tunhnaia mipuite lei nasat, heng Kut silfaina leh Face Mask te dinhmun hi a enfiah a, tun dinhmun ah Hand Sanitizer leh Hand Wash ang chi reng reng hi Serchhip Bazar-ah lei tur a awm mumal tawh lo a, heng kut silfaina siamchawp theihna damdawi, Damdawi zawrhna dawr hrang hranga awm te pawh hralhfai a ni deuh vek tawh a ni. Hetihlai hian Face Mask pawh dawr hrang hrangah lei tur a awm meuh tawhlo bawk a, tunkar tawp khian tlem rawn thlen belh tur a awm thung a ni.

Comments

Chhiar Hlawhte