Hri leng mek dona atan MBOCWWB sum hman remti

Mizoram Building & Other Construction Worker Welfare Board (MBOCWWB) sum chu tunlai-a hri leng mek dona atan hman rem tih a ni.

COVID-19 hrileng avanga insa leh hetiang lama inhlawhchawp hnathawktute harsatna tawh mek hriain hemi chungchang ngaihtuah turin Vawiin (March 26, 2020) khan Labour, Employment, Skill Development & Entrepreneurship (LESDE) Department hnuaia Mizoram Building & Other Construction Worker Welfare Board (MBOCWWB) chuan Emergency Meeting an nei a, he Meeting hian Mizoram Building & Other Construction Worker Welfare Board (MBOCWWB) a hnathawk inziaklutte chhawmdawlna tur leh a tul anga Sawrkarin hrileng mek a do nan Welfare Board sum hman a rem ti a.  Welfare Board hnuaia hnathawk inziaklutte (Welfare Board Member) hnenah Food, Civil Supplies & Consumer Affairs Department kaltlangin thlakhat Ration a thlawna pek nise an ti a. Hei bakah hian Welfare Board hnuaia la inziaklut lo hnathawktu harsatna tawk mek AAY leh BPL te hnenah pawh Food, Civil Supplies & Consumer Affairs Department kaltlangin thlakhat Ration hi a thlawna pek ni bawk se a ti bawk.
Hei bakah hian he Meeting hian Mizoram Building & Other Construction Workers Welfare Board hnuaia 2019 December chin hmalama member lo ni tawhte tan Rs.3000/- (cheng sangthum) chu Direct Benefit Bank Transfer hmangin remchang hmasa berah pek rem an ti a, LESDE Department chuan COVID-19 hrileng avanga Workers te chunga zahngaihna lo lantir tur leh an hlawhte pawh lo pe zel turin hlawhfa ruaitute a ngen bawk.

Comments

Chhiar Hlawhte