CM Relief Fund pek theih

Mizoram sawrkar chuan COVID-19 avanga puih ngai te chu Chief Minister’s Relief Fund kaltlangin puih theih reng a nih thu a sawi.
Hemi chungchanga nimin a thuchhuah a siamah Mizoram sawrkar chuan tunlaia Novel Corona-virus hrileng avanga khawvel ram hrang hrangin buaina kan tawh laiin Mizoram-ah pawh kan him theih nan sawrkar leh mipui tanghovin kawng hrang hrangin hmalak mek a ni tih an tarlang a. Chutihlai chuan Lockdown leh Curfew avanga harsatna tawk an tam hle tih tarlangin, he hri do tura a hmatawnga awm Medical mithiamte, venhimna hna thawktute, State, District leh Village/ Local Level Task Force mi te bakah chakkhai phurtute leh adangte, loh theih lova hrilen laia chhuah ngai an awm thu leh puih mamawhtu mi hrang hrang te chhawmdawlna turin leh a tul leh tangkai dan ang zela hman turin Chief Minister's Relief Fund-ah mi inphal leh thahnemngaite tan engtiklai pawhin puihna sum a pek theih a ni tih an tarlang.
CM Relief Fund hi chi thum (3)-a pek theih niin sumfai-a pe duh tan Chief Minister's Office-ah pek theih a ni a, Cheque-a pe duhte tan Chief Minister's Relief Fund thleng tura ziakin Chief Minister's Office-ah a pek theih niin Online in HDFC Account-ah thun theih a ni bawk a. Account-a thun tur tan HDFC Aizawl Branch, Account No. 18141450000025 (Chief Minis-ter's Relief Fund)-ah pek theih niin IFSC Code chu HDFC0001814 a ni.

Comments

Chhiar Hlawhte