Mizoramah COVID-19 vei pakhat hmuhchhuah a ni

March 25, 2020: Vawiin chawhma dar 10 khan chanchinbumite kawmin Health Minister Dr R Lalthangliana chuan Mizorama COVID-19 vei pakhat a awm thu a puang.


Health Minister Dr Thangtea hian COVID-19 vei hi Mizorama kai niloin, foreign atanga rawn kai haw niin a sawi a. Amah hi tunah hian ZMC lamah enkawl tura dah a ni tawh niin a sawi.

COVID-19 kai hi mipa, kum 50-a upa a ni. A ni hi March ni 16, 2020 khan Guwahati atangin Mizorama lo haw a ni. A travel history chu - Amsterdam-ah further studies nei niin, Doha - Qatar kaltlangin Delhi ah, Delhi atangin Guwahati ah Indigo flight 6E939 hmanga thlawkin, Guwahati atangin flight GoAir G8X-G8298 hmangin Aizawlah a lo tum a ni.

Aizawl a lo thlen hnuin an chenna inah khawsik neiin a insawisel tan a, March ni 22 khan doctor an koh hnuah home quarantine tih a ni.

Nizan (March 24) khan Guwahati Medical College (GMC) chuan a test hi positive a ni tih a tichiang a. Nizan la la khan amah hi ZMC a ISO ah dah luh an ni. A hranpain a chenpui a nupui leh a fate pahnih pawh phurh phei nghal niin, ZMC ah ISO ah vek dah an ni.

Tun dinhmunah chuan hri kai hi ngaihtuahawm a nilo e.

Source : The Zozam Times

Comments

Chhiar Hlawhte