Latest News

Vaccine pe chhunzawm dawn

 Serchhip District chhunga Health Care Workers te hnena COVID-19 Vaccine, Covishield pek hna thawh mek chu Inrinni leh Pathianni te chawlh anih hnuah Vawiin hian Vaccine pekna tura ruahman hmun thum-ah pek chhunzawm a ni leh dawn a, thudawn danin Serchhip District chhunga mi 450 te hri danna pek turah ni 2 chhung khan mi 306 te chu hri danna hi pek hman an ni a, Presbyterian English School leh Midland M/S-ah mi 121 ve ve te hri danna pek ni tawhin Thenzawl CHC-ah mi 64 te hnenah hri danna hipek an ni tawh bawk a ni.

Serchhip-a MUP Office khar lailawk rih dawn

Tunlai-a hi leng mek, Coronavirus avangin Mizoram Upa pawl (MUP) chuan Serchhip a an Office chu April 15, 2020 thleng an khar dawn.
Mizoram Upa Pawl (MUP) District Hqrs. Serchhip hian nimin zing khan Office Bearers Meeting neiin tunlai-a khawvel in a buaipui, COVID-19 avanga fimkhurna atan leh kan him zawk theih nan Serchhip Bazar-a an Office chu Vawiin, March 21, 2020 (Inrinni) atanga April 15, 2020 (Nilaini) thlengin khar rih mai nise an ti a ni. Serchhip Bazar-a MUP Office hi MUP member ten inkawmna atan leh intihhlimna atana an hman thin niin nitin MUP member thahnem tak an leng lut thin a ni.

Comments

Chhiar Hlawhte