Bazar-a buhfai zawrh enfiah

Serchhip-a Legal Metrology Enforcement Staff te leh Consumers Association hruaitute chuan nimin khan Serchhip-a buhfai zawrhna dawr hrang hrang enkualin, tunhnai thil thleng avanga buhfai man a to lohna turin hma an la.
Tunhnaiah Coronavirus leng avanga mi tam takin buhfai an in chhekkhawl avang leh hemi avanga buhfai zuartu ten an duh ang anga buhfai man an tihsan lohna turin nimin khan Serchhip-a Legal Metrology Enforcement Staff te leh Serchhip District Consumers Association hruaitute chuan Serchhip khawpui chhunga Buhfai zawrhna dawr hrang hrang te tlawhin an buhfai zawrh mek dinhmun an enfiah a, Serchhip Bazar-a buhfai zawrhchhuah tam ber te hi a rih zawng leh a man bakah thildang ziahlan loh a nih avangin a rawn supply-tu te kut atang hian man theih a ni tih thuneitute chuan sawiin, hei vang hian buhfai zuartute chu an buhfai lak tur rawn supply tu te hnenah hian an buhfai bag rih zawng leh thildang te hi ziaklang tura hrilh turin an ti bawk.
Nimin a Serchhip-a dawr hrang hrang an enfiahna a Buhfai zawrh te hi a zuartu ten an zawrhna zat chu chhinchhiahna siama tarlangin, hemi aia to-a zuarchhuak lo tura hriattir an ni a, mipuite pawh he an rate tarlan aia to-a lei lo tura hriattirin, hemi aia to-a lo zuar an awm a nih chuan Legal Metrology Office-ah emaw, Serchhip District Consumers Association hruaitute hnenah hriattir turin an chah bawk a ni. Tun dinhmunah Serchhip khawpui chhunga buhfai zawrhna dawr hrang hrangah te buhfai hi a tam tawk rih niin a lang a, a tlangpuiin buhfai te hi Kg. 30, 35, 40, 45 leh 50 bag te a ni hlawm a ni.

Comments

Chhiar Hlawhte