Chanchinthar thenkhat :

MPSC in hna lak chawlhsan

Tunlaia khawvel buaipui COVTD-19 hri leng darh zel laka lo invenna tura Sawrkar thuchhuak bawhzuiin Mizoram Public Service Commission (MPSC) chuan hna lakna tura exam hun a lo rua-hmansa March ni 23, 2020 hnu lam zawng chu thu leh awm hma atan a cancel a. Heng hna lak tur hrang hranga Exam hun tur chungchang hi MPSC website www.mpsc.mizoram.gov.in leh mobile app MIPUSEC-ah te inhriattir leh a ni ang. Admit Card pekchhuah mek leh a hnulama pek-chhuah tura ruahman pawh nimin atang khan tihtawp nghal a ni.
DTO ten titawp lailawk rih
Mizoram sawrkar-a Transport Department chuan COVID-19 laka kan invenna atan leh mipuite kan lo him tlan theihna atan Vawiin, March 20, 2020 atanga March 31, 2020 thlengin Mizoram a District Transport Office zawng zawng atanga Learner License dil leh Preliminary Test/Counseling neih thin chu tihtawp lailawk a nih thu thu-chhuah siamin an tarlang.
MPYCC in lawmthu sawi
Congress |halai, MPYCC chuan Covid 19 hri leng avanga buaina leh harsatna thleng mekah Zoram mipuite himna tura ngaihtuahna senga rim taka thawktute chungah lawmthu an sawi a. Zofate hian hun harsa; tampui mitthi leh rambuai te kan lo tawng tawh tih sawiin, “Pathian khawngaihna azarah Vawiin ni hi kan thleng thei a. Tun tuma hrileng pawh hi Zoram mipuiten sawrkar leh mithiam te thupek leh zawm tur an tih kan zawm that a, thu kan awih chuan harsatna leh buaina nasa tak awm lovin kan paltlang theih ngei Congress Thalai Hqrs. chuan a ring tlat a ni,” an ti.
Local Council ram theh tum duhlo
ZPM |halai President, Malsawmzuala chuan MNF kaihhruai Sakawrtuichhun Local Council-in ram theh a tum chu tihtawp nghal an duh tih a sawi a. ZPM |halai President chuan Mizoram Legislative Assembly Session neih zawh takah Revenue Department changtu Minister-in Local Council-in Inhmun pek theihna thuneihna an neihloh thu chiang takin a sawi nia sawiin, heti chunga Sakawrtuichhun Local Council ten dan kalh leh an thuneihna ni lova ram theh an tum chu tihtawp nghal an phut thu a sawi a. He an ram theh tum hi 5th IR Bn. ten PTC ramchin-a an ngaih a nih thu a sawi bawk.

Comments

Chhiar Hlawhte