Ration buhfai lak nan Kut zung thla nem ngailo

Coronavirus kai darh theih venthawn thuah Supply Department hnuaia Retailer, Electronic Point of Scale hmanga khawla Buhfai latu mipui ten kutzungpui thla an nem thin chu tun thla atan tihtawp a ni.

Sawrkar laipuiin ruahmanna a siam angin, thla hmasa atang khan Mizoram hmun hrang hrangah EPoS khawl hmang hian Retailer ten mipui hnenah Buhfai an semchhuak a. He ruahmanna tharah hian Ration Card leh Addhar Number inthlunzawm te chuan EPoS Machine ah hian an kutzungpui thla nemin, Finger print lak hnuah chauh Ration buhfai hi pek theih an ni.

Hetihlai hian, tunlai khawvel buaipui mek Coronavirus, COVID-19 hrileng mek laka mipuite him zawk nan leh fimkhur thilah sawrkar chuan Retailer te chu EPoS Machine ah mipui te kutzungpui nemtir kher lo tur leh anmahni Retailer ten ration buhfai latute Aadhaar number chu EPoS Machine a chhulut mai tura a tih angin, Retailer te hian Epos Machine a mipuite kutzungpui thla nemtir kher lovin, ration Buhfai hi an semchhuak mek a ni. Hetianga kalpui anih avang hian Retailer te chuan harsatna an tawh phah dawn lova, Ration latute Aadhar number hi EPoS Machine ah an khung tho avangin, Supply Office lamin an chingfel mai dawn niin an sawi.