Latest News

Pawisa chawi tir ngei tum

Serchhip khawpui a lo fai reng theih nan Solid Waste Management Rules & Bye Laws 2016 zulzuiin a hmun lo-a bawlhhlawh paih te chu pawisa chawtir ngei an nih theih nan hmalak chhoh tum a ni.
Hemi chungchang hi Zirtawpni khan Serchhip District Urban Development Officer, Vanthangpuii chuan Serchhip Town-a VC te sawi-puiin, Serchhip khawpui a lo fai reng theih nan Solid Waste Management Rules leh Bye Laws 2016 in dan neih zul zuia duan, Serchhip Town Sanitation Task Force ten an siam rem angin bawlh-hlawh a paihna tur hmun ni lo, kawng kam-a paih te chungah hremna leka pawisa chawitir an nih ngei theih nan hma lak dan turte a sawipui a, Dan awmsa lekkawh ngei tur leh UD&PA in Motor-a bawlhhlawh a laksak te chhungtin te hnena thlatin Rs. 50/-theuh khawn tur pawh khawn ngei turin DUDO chuan VC te chu a ngen a, he huna tel VC te chuan Serchhip chu Mizo-ram District khawpui fai ber a nihna vawng nung reng tura tan lak tul an tih avangin DUDO ngenna chu bawhzui an tum thu an sawi a ni.
UD&PA Conference Hall-a he sawihona ah hian Lallawmzuali, Manager NULM leh F. Lalruatkimi, Inspector of Sanitation te pawhin report pein Solid Waste Management Rules & Bye Laws 2016 a thil pawimawh an sawilan zingah - He dan hi March 8, 2016-ah Notification chhuah niin, bawlhhlawh a nihna tura ang taka sawng-bawla tihral chu a tum ber chu a ni a. He Dan hian khawpui (Town) zawng zawng a huam a, he Dan-ah hian mitin inthlahdah taka bawlhhlawh paih te hremna tur te a keng tel a. Khawlai-a thil zuar leh sazuar te pawh an bawlhhlawh paih fimkhur tura tih an ni a, Damdawi In bawlh-hlawh te pawh sawngbawl uluk loh chuan paih loh tur a ni a, Ranvulh te pawh khawlaia tlattir khap a nih thu te tarlan a ni.
Heng bakah hian Ek paih ten UD&PA-ah phalna an lak ngei a tul thu pawh he hunah hian tarlan a ni bawk.

Comments

Popular News (Last 30 Days)