Aizawl khawpui-ah dawr thenkhat khar a ni

Tunlai-a hri leng mek avangin Aizawl Bazarpui-a dawr thenkhat te chu nimin atang khan khar tan a ni. Tunlai-a hri leng mek, Coronavirus, COVID-19 darh zel tur venna chi khat atan Aizawl Bazarpui a Second hand zuar, A leh B Block bakah line-pui, Member 350 chuang te chuan nimin, March 20, 2020 atang khan an dawr te hi an khar tan a, mipuite chu lo hrethiam turin an ngen nghal bawk a ni.

Aizawl New Market Inspector pawhin niin vek khan hriattirna tichhuakin Aizawl Bazar chhunga Dawr/Seat te tlai dar 6:00 hnu lamah inkhar vek tawh tur a nih thu leh tlai dar 5:00 hnulam atang chuan inhmakhua lawk vek tur a ni tih a tarlang a, Dawr/Seat-ah mi pakhat aia tam awm loh tur a nih thu te, Glove fai leh Face Mask vuah vek tur a nih thu te, an thil zawrh te sarang fim-a khuh vek tur a nih thu te, Dawr-ah thiante emaw chhungkhat te thut chawlh tir loh tur a nih thu te, thil eina kawr paih darh lo-a fel taka fun zel tur a nih thu te, Kuhva eina Chil chhah mai mai loh tur a nih thu leh kan hmunhma fai taka enkawl theuh tur a nih thu te a tarlang bawk a ni.

Comments

Chhiar Hlawhte