Ram 2 inkarah buaina thleng

India leh Myanmar inrina bul Siaha District Lopu lama Myanmar ram khaw hnai ber, Rali khua ah Zirtawp tlai khan India mi leh Myanmar mi an intibuai a, India mi 4 leh Myanmar mi 2 an hliam.
Thudawn danin Rali-ah hian Zirtawpni khan khawtlang ruai siam a ni a, Hnah la tura India chhunga luh tum Rali mite chu ramri-a Forest mi leh sa Duty-te chuan, Siaha DC-in Covid-19 invenhimna avanga ramri inkalpawhna khar vekna thuchhuah zulzuiin an lo dang a, tlai lamah India lam mi Khaikhy leh Lopu mi thenkhat ruai theha kalte nen inhnial buaiin India mite hi Lopu-ah an zualko a, motor 4 in thalai rual Rali ah hian an va kal a, an intibuai ta a ni. India lam mi 4 hliam te hi chem-a sahna hliam te an ni a, ngaihtuah awm erawh an ni lo a ni. He thil thleng chung-changa boruak tha siam turin Siaha DC chuan Inrinni khan Tipa SDO (C) tirin Assam Rifles pawh tirh nghal an ni a, MTP Hqrs. hruaitute pawhin Lopu an pan nghal nia hriat a ni, Myanmar lam MTP te pawhin Rali hi an pan mek bawk.

Comments

Chhiar Hlawhte