Chief Minister in tlawh

Chief Minister, Zoramthanga chuan nimin khan Bilkhawthlir khua tlawhin nakum-a YMA General Conference an thlenna tur leh Rest House sakna tur hmun hnih tlawh in a enfiah a, heng hmun pahnih te hi Architect leh Surveyor ten an teh nghal a. Chief Minister ho hian khawmpui thlenna tur Bilkhawthlir Field chu en ho bakah Bilkhawthlir Park cheibawl dan tur leh P&E Department ram leh Health Centre a en bawk.
Hemi hnu hian Chief Minister hian Kolasib khawchhunga sawrkar hmalakna hrang hrang te a hmunah a tlawh bawk a. PWD hmun te, District Hospital khum za (100) awmna tura ruahmanna te leh Internal Road Widening na tur thenkhat te chu en in, Thingdawl Nursing School, Polytechnic leh Sethawn-a Social Welfare Department hma-lakna te a tlawh bawk.
Chief Minister hian Mualkhang LPG Bottling Plant chu tlawhin IOCL hotute nen he plant hi hman a nih leh theih dan tur te an sawiho a. Petroleum and Explosives Safety Organisation (PESO) endikna hnuhnung berin a phut ang thil tul thenkhat siam belh a ngaih avanga hna chawlh lailawk chu chhunzawm a nih leh theih nana hmalak dan tur FCS&CA Minister te nen lo ngaih-tuah tawh a. Chief Minister chuan theihtawpa hma a lak tur thu a sawi bawk.

Comments

Chhiar Hlawhte