Sawrkar in a thlawnin Ration buhfai a sem dawn

Mizoram sawrkar chuan mipuite hnena Ration buhfai a sem thin chu thla thar (april 2020) khian a thlawnin a sem dawn.

April, 2020 thla atan Food, Civil Supplies and Consumer Affairs chuan heng a hnuaia Supply Ration Card neitute hnenah ration buhfai FPS Retailer te kaltlangin a thlawnin a sem dawn a, hemi atan hian tun thla ni 25 khan Order tihchhuah a ni tawh a ni Sawrkar thuchhuah tarlan danin a thlawna ration buhfai dawng tur te chu Labour & Employment Department, Govt. of Mizoram hnuaia Building and Other Construction Workers Welfare Board-a in register member-ten an registered card leh ration card (eng ration card pawh) kengin free ration an la thei ang a. AAY leh PHH beneficiaries zawng zawng ten la thei bawk ang.
Heng mite bakah hian mi harsa chhuanchham mai tur nia Local/Village Level Task Force ten an hriatte chu Chairman/Secretary hriatpuina lehkha (signature leh seal Chuang ngei) leh an ration card (eng ration card pawh) kengin free ration an la thei bawk anga. Supply Retailer ten Ration Buhfai man hi DCSO/ Supply Centre atangin a dan pangngai anga Pre-payment basis Deposit hmasak phawt tur a ni a, chumi hnuah DCSO/Supply Centre ten Delivery Order issue tur a ni. Supply Retailer te hi FCS&CA Department atangin a tul dan anga rulh let (reimburse) sak leh an ni ang. 

Comments

Chhiar Hlawhte