Tiamchin awm lovin Lengpui Airport khar a ni

Nizan atang khan Lengpu Airport chu tiamchin awm lova khar a ni.

India ram State 23 lai-ah COVID-19 vei hmuhchhuah a nih tawh bakah a vei hmuhchhuah zat hi nitin a san belh zel a. World Health Organisation (WHO) pawhin pandemic ah puangin sawrkar laipui-a Ministry of Home Affairs pawhin Notified Disaster-ah a puang tawh bawk a. Hetiang a nih takah hian State Executive Committee (SEC), Mizoram State Disaster Management Authority (MSDMA) chuan Mizoram sawrkar rawn chung zelin Mizorama COVID-19 a lo luh loh nan thutlukna harsa ti tak chunga a siam tul tiin, he thutlukna tihhlawhtlinna tur hian Section 22(2)(h) of the Disaster Management Act, 2005 leh Regulation 11 of The Mizoram Epidemic Diseases (COVID-19) Regulations, 2020  in thuneihna a pek tlawhchhanin State Executive Committee, MSDMA chuan March ni 23, 2020 (Thawhtanni) zan dar 11:59 atangin tiamchin awm lovin Lengpui Airport khar a nih thu thutlukna a siam a, Vawiin atang hian Thlawhna lut leh chhuak a awm tawh dawn rihlo a ni.