Latest News

COVID-19 laka mipui himna tura hmalak zel dan tur rel

Nimin khan Serchhip-ah District Level Task Force on COVID-19 chu an Chairman, H. Dolianbuaia, MCS, District Magistrate hovin an thukhawm a, COVID-19 laka mipuite himna tura hmalakna leh in enkawl dan chi hrang hrang te an rel.
Serchhip DC Meeting Hall-a District Level Task Force on COVID-19 thutkhawm ah hian tun dinhmuna quarantine-na leh Isolation-na hmun tur kan neihsa te bakah a tul thuta hman belh theih tur hmunhma lo buatsaih belh a, hmanraw mamawh te pawh lo inlak lawk a rel a. Quarantine leh Isolation hmunah hian Police Duty dah-a, a tul anga an ei leh in ngaihtuah sak tha tiin, heng thil te lo buaipuitu tur bik Management Team te pawh a din nghal a, a tul angin Team hi tihlen zel theih turin a rel a ni.
Quarantine na hmun atanga damlo an lo awm palha Isolation-na hmuna phurh kual dan tur te, motor-a hlanluh leh hlanchhuah dan turte leh a hmanrua te chu Health Department lamin lo ruahman turin a ti a, COVID-19 vanga boral an lo awm palha ruang sawngbawl dan kalphung (protocol) Hospital-in a neih sa bakah a tul dangte chu YMA te nena sawiho nise an ti bawk.
Heng bakah hian Lock down chhung hian sawrkar thupek anga Law and Order khauh taka kalpui nise tiin a rel a, Veng tina Village Level Task Force te chu Police Department te nena \ang hovin khauh zawkin duty reng  nise tiin, SDO (C) leh BDO ten an huamchhungah a theih chen chen Essential Commodity khuahkhirh lamah hma lo lain, tlakchham vanga harsatna tawk an awm loh nan hmalak zel nise an tih bakah tuna hmalak meka thil pawimawh hrang hrang te an sawiho bawk.

Comments

Popular News (Last 30 Days)