Buhfai bag-a sawiselna awm Minister in a tlawh

Supply Minister, K. Lalrinliana chuan tunhnaia Nursery Veng Retailer hnen atanga buhfai bag-a lung awm chu nimin khan a hmun enfiahin hmalak tum a nih thu a sawi.
Tunhnaia Social Media hrang hranga Aizawl Nursery Veng Retailer hnen atanga buhfai lak chu buhfai chhe tak leh a bag chhunga lung te pawh a awm thu tarchhuah chu nimin khan Supply Minister hian a hmunah a tlawh a, Minister chuan buhfai bag tam tak zinga bag pakhata lung lo awm chu pawi a tih thu sawiin, Hunthar Veng-ah pawh bag pakhatah buhfai uih a tel tawh thu a sawi a, hetiang thil a thlen nawn tawh loh nan sawrkarin hma a lak thu a sawi. Minister chuan buhfai chhia leh ei tlak loh thleng ngai a awm hian sawrkarin sum tam tak a hloh phah thin nia sawiin, Retailer te pawh buhfai thalo an sem chhuah lohna tura an fimkhur a tul thu a sawi bawk.
He buhfai hi Tanhril Kudam atanga lak nia hriat a ni a, department lam hian a phurtu Truck leh Driver hriat a nih tawh thu an sawi a, Department hian FIR thehlutin Police ten an chhui zui mek a ni.

Comments

Chhiar Hlawhte