Latest News

Mikhual thlenna leh hmun pawimawh khar lailawk

Mizoram sawrkar Tourism Department chuan Mizoram-a Tourist Lodge/Highway Restaurant/Tourist Resort/Wayside Amenities leh Thenzawl Golf Resort zawng zawng te chu nimin atanga thla thar April 15 thlengin a khar.
Hemi chungchanga thuchhuah a siamah Tourism Department chuan Mizoram Sawrkar in Novel Coronavirus (Covid-19) chungchanga thu a chhuah bawhzuiin, Tourism Department chuan he Novel Coronavirus (Covid-19) hri leng mekin khawvel ram hrang hrang a tihbuai avang leh he hri leng laka mitin te kan lo him zawk nan hetiang hian ruahmanna siam a nih thu tarlangin, Tourist Lodge/Highway Restaurant/Tourist Resort/Wayside Amenities leh Thenzawl Golf Resort zawng zawng khar hian mikhual thlen te, Conference Hall leh Convention Hall leh ei leh in te a huam thu an tarlang a. Mipui leh khualzin te tana heng Tourism Department in a khar te hi a tul dan ang zelin pawhsei emaw, pawh tawi a nih tur thu an tarlang bawk.
Hei bakah hian Private Hotel, Homestay leh Restaurant/Thingpui Dawr te theihtawp a fimkhur tura hriattirin, hemi hun chhung hian puipunna lam chi reng reng Hotel emaw, Restaurant ten tih loh tur a ni tih an tarlang a. A tul dan ang zelin Sawrkar in enfiahna a neih tur thu leh Hotel, Restaurant leh Homestay ten an mikhual te rinhlelh an neih chuan HELPLINE hrilh hriat vat tur a ni ang tih an tarlang a. Mizoram chhunga Tours & Travel Operators ten State pawn emaw, State chhung-ah reng reng a huho (Group) a zin mite lo buaipui lo turin an hriattir nghal bawk a. Mipui te kan lo him zawk nan Hotel leh Restaurant a kan thil chah (order) te pawh, a hmun a ei leh in lo in, pawnlam a lak chhuah (take-away) a, mahni Inchhunga ei leh in turin a ngen bawk.
Hetihlai hian Mizoram State Guest House pawh Vawiin atang khan tun thla chhung atan hman theihloh a khar a ni a, hei hian Room luah te, Conference Hall, Banquet Hall leh Coffee Shop hman te, a hung chhunga punkhawm thleng a huam dawn a ni.

Comments

Popular News (Last 30 Days)