Thu diklo thehdarh ah Police in mi 15 an man tawh

Mizoram Police chuan Covid-19 chungchanga thudiklo thehdarh thubuai pathum (3) an ziaklut tawh a, hemi kaihhnawiah hian mi 15 man an ni tawh.
Mizoram Police-a IGP, LH. Shanliana chuan nimin khan Aizawl SP Conference Hall-ah thuthar lakhawmtute kawmin, tunhnaiah mipui tichiai thei thudiklo thehdarh chungchangah thubuai pathum an ziaklut tawh tih a sawi a. Hemi kaihhnawiah hian mi 15 man tawhin mi 12 chu Bail a chhuah niin mi 3 chu lung In-ah khung an ni tih a sawi. Mizoram inkalpawhna khar chungchangah zawhna chhangin LH. Shanliana chuan, “International leh Inter-State inkalpawhna 48 awmin, heng zinga inkalpawhna pawimawh 6 chu sawrkar venhimna hnuaiah hawn a ni,” a ti bawk.

Comments

Chhiar Hlawhte