Latest News

Anganwadi khar vek rih dawn

March 17, 2020 atanga March 31, 2020 thleng Naupangte leh Nu te tan Serchhip ICDS Project huamchhunga Anganwadi Centre te chu khar rih tura tih a ni.
Hemi chungchanga Child Development Project Officer (CDPO), Serchhip ICDS Project in nimin a thuchhuah a siamah tunhnaia Hri leng mek, Coronavirus (Covid-19) laka mipuite kan him theihna tura Sawrkar thuchhuak leh Director, Women & Child Development, Social Welfare Department in a hriattir angin Angan-wadi te hi khar tur a nih thu leh hemi chhung hian Naupangte Chaw tha tlakchhamna laka veng turin Supplementary Nutrition chu a pangngai anga an In lama an ei tur (Take Home Ration) pek tho tur a nih thu leh a laksak tur Nu leh pa te pung-khawm luih luih lo leh naupang hruai lova pek dan ngaihtuah tur a ni tih tarlangin, hemi atan hian Whatsapp leh Mobile Phone te hman tangkai tur a nih thu a tarlang a ni.
Hei bakah hian he hri leng mek hi a bikin taksaa natna do theihna nei tlem, Naupang leh kum Upate tan enkawl dam leh tuarchhuah a har avangin thihpui a awl bik tih pawh tarlangin, mahni bial chhunga Chhungkaw tin tlawh (Home Visit) uar lehzual tur a ni tih a tarlang bawk a. Chhungtin te hnenah he hri leng laka chi-ai lo tur leh Kut Silfai pawimawhna leh Thianghlimna lam zirtir uar tur a ni tih pawh tarlangin, a bikin kum Upa leh Naupangte, nau pai leh nau pawmte chu puipunna a kal tir leh kalpui lo tur leh khawlaia chhuahtir tlem tura uar taka zirtir tur a ni tih a tarlang a. Hei hi Serchhip ICDS Project hnuaia Anganwadi Workerte leh thawktu zawng zawng ten zawm ngei tura hriattir an ni tih a tarlang bawk. 

Comments

Chhiar Hlawhte