Serchhip Bazar-ah Police Beat Post hawn thar leh a ni
Hun rei tak Serchhip Bazar-ah hian Police Beat Post hi mimal In luah hawhin a lo awm tawh thin a, chhan hrang hrang avangin hun engemaw chen kalpui zui lohin a awm hnuah kumin-a Sub-Hqrs. YMA Serchhip Rorel Inkhawm vawi 5-na ah Beat Post hawn a nih leh theihna tura hmalak rawtna hi lutin Sub-Hqrs. YMA Executive Committee bawhzui tura dah a ni a. Hemi chungchang hi kumin June 18 khan Bialtu MLA leh Chief Minister Lalduhoma hnenah Sub-Hqrs. YMA hian thlenin a tul anga hma lo la zui turin Serchhip SP chu a hriattir nghal a. Kumin July 1 khan Serchhip SP hian Sub-Hqrs. YMA Serchhip hruaitute leh Serchhip Kawnpui South YMA hruaitute Meeting neihpuiin mimal In luah tur remchang a awm mai loh avangin Serchhip Kawnpui North Branch YMA leh Serchhip Kawnpui South Branch YMA ten 'Information Centre' an inluahtawm chu hman mai turin an ruahman a. Sub-Hqrs. YMA ten a cheithat hna anmahni sum senga an thawh hnuah Serchhip Police ten bungrua an mamawh turte dahlut ve lehin Vawiin khan luah theih tura hawn a ni ta a ni.
Serchhip Bazar-a Police Beat Post hawnna hunah hian Serchhip SP Gavit Gogna chuan Sub-Hqrs YMA Serchhip, VC te leh Kawnpui North leh South Branch YMA te hmalakpuina zarah Serchhip mipuite tana tangkai zawk leh awlsam zawkna atan Serchhip khawpui lun laia Beat Post hawn an hawng leh ta chu lawmawm a tih thu leh hunpui vuakvet piah lamah pawh tangkai taka hman zui a nih zel a beisei thu a sawi a ni.
Comments
Post a Comment
I ngaihdan i sawi hian mipui ngaihdan i tarlang a ni!