ZPM in sawrkar inthlahdah vang niin sawi

ZPM Thalaite chuan niminpiah khan Zoram Medical College (ZMC) leh State Referral Hospital te tlawhin Building sak zawh hun tura sak zawh ala ni lo chu sawrkar inthlahdah vang niin an sawi.

ZPM Thalai hruaitute hian niminpiah khan Zoram Medical College (ZMC), MIMER tia hriat thin hi tlawhin, Medical College building thar tur (Teaching Block) sak mek leh State Referral Hospital sak zawm mek te an tlawh a. Hemi hnua thuchhuah an siamah he building sa tur hian HSCC (India) Limited chu Consultancy Agency atan thlan niin, Teaching Block chu August ni 8, 2018-ah sak tan niin, cheng vbc. 60 vel senga thla 24 (kum 2) chhunga sak zawh tur tih a ni a. Hospital sak zawm hna hi July ni 4, 2018-ah tan a niin, vbc. 43 vel seng a thla 15 chhunga sak zawh tur a ni thung tih an sawi a. Hospital sak zawm chu sak zawh huntiam a pelh daih tawh hnu pawha hna thawh tur tam tak a la awm chu pawi an tih thu sawiin, ‘MNF sawrkar hmasaa Referral Hospital sak dan leh sum hman danah mipuiin nasa taka an sawiselna zawng zawngte insiamthat nan hmang lovin an tih dan thin ngai te in Zoram tana rohlu tling thei tur Hospital sak hna hi an kalpui leh ta em ni?’ tiin Referral Hospital tha tak kan neih theihna turin chak tak leh tha taka hna thawh a nih theih nan sawrkar chu hma la nghal tura an phut thu an sawi bawk.