Enkawlna tur Ward siam fel

Coronavirus avanga harsatna a awmlohna turin sawrkar chuan he natna rinhlelh te dahna tur leh he natna vei te enkawlna tur hmun chu Serchhip-ah a ruahman fel tawh.
Mizoram-a Coronavirus (Covid-19) rawn thleng palh thei a nih avang hian Mizoram sawrkar chu nasa taka inbuatsaihin Serchhip-ah pawh he natna vei nia rin-hlelh te dahhranna turin khum 7 awmna pindan chu Serchhip damdawi In Eye Ward-ah siamfel a ni tawh a, he Ward hi a tul anga hman theih nghal ni tawhin hmanraw mamawh hmasak tur hrang hrangte pawh dahluh nghal a ni a, he Ward hi he natna vei nia rinhlelh te awm theihna tur leh dah hranna hmun tur a ni.
Hei bakah hian Serchhip District Task Force Committee on Covid-19 chuan State pawn atanga lo haw, mahni In-a inkhung hranna neilo te dah hranna tur te, inkhung hrang zinga rinhlelh theiha natna nei te dahna hmun tur leh Covid-19 positive lo awm palh te enkawlna tur atan Tarpi tlang-a SIRD Panchayati Resource Centre chu thlangin nimin vek khan an Chairman leh Serchhip DC, H. Dolianbuaia hovin an tlawh nghal a, hemi hmalam hian Nursing School Building chu a hman theih dawn leh dawn loh an en bawk.
Serchhip District Task Force Committee on Covid-19 chuan Tarpi tlang-a District Pan-chayat Resource Centre-a Room, toilet nei hrang vek 14 awmna leh Ward atana hman theih Hall awmna, Ground Floor chu inkhunghranna (quarantine) neilo te khung hran nana hman a, basement floor chu rinhlelh theiha natna nei te dahhranna (Isolation) nana hman leh Auditorium Hall chu Positive Case nei te enkawlna Ward atan a hman theihin a ngai a. A tul angin quarantine leh Isolation hi ruahman belh theih a ni ang.
He building ruahman ah hian State pawn atanga rawn haw, khung hranna neilo mi pakhat chu nizan khan dah nghal tura ruahman a ni a. Tunah hian Serchhip District-ah mi 59 te chu khung-hran in an awm mek a ni.

Comments

Chhiar Hlawhte