Serchhip-ah Chapchar Kut hman theih a ni dawn lo

Tun thla ni 27-a Serchhip-a Chapchar Kut hman tum chu hman theih a ni dawn ta lo a, Chap-char Kut hmanna tura sum ruahman tawh chu hun remchangah Cultural Meet emaw, Cultural Festival emaw hmanna atan dah a ni dawn.
Serchhip khua in K|P General Conference a thlen avanga Chapchar Kut Organising Committee in tun thla ni 27-a Serchhip-a Chapchar Kut hmang tura ruahmanna a siam chungchangah hian nimin khan Serchhip District Bawrhsap, H. Dolian-buaia chuan Serchhip Sub-Hqrs. YMA hruaitute chu a Pisa-a leng-ah sawmin a hmaa inkawmna an neih tuma Chief Secretary a biak tur thu a lo sawi tawh alo bawhzui dan te a sawi a. 
Coronavirus avanga khawvel in har-satna leh buaina a tawh mek te thlir chungin tun dinhmunah chuan a hmaa lo ruahman tawh anga Serchhip-a Chapchar Kut hman tur chu thulh mai nise  tiin amaherawh chu boruak thlir zelin hun remchangah Cultural Meet emaw, Cultural Festival emaw chu hun remchang ah la hman leh beisei niin hemi atan hian Chapchar Kut atana sum lo ruahman tawh pawh dah theih a nih dawn thu Art & Culture Department hotute chuan an sawi thu Bawrhsap hian a sawi bawk a ni.

Comments

Chhiar Hlawhte