Kohhran mipuite ngenna siam

/
Mizoram-a Kohhran hrang hrangte chuan Coronavirus (Covid-19) laka mipuite him theihna atan Kohhran mipuite hnenah ngenna an tichhuak.
Mizoram Presbyterian Church (Presbyterian Church of India) chuan nimin khan thuchhuah siamin Kohhran mal (Kohhran Hmeichhia, K|P, Kohhran Pavalai Pawl), Bial leh Presbytery huap-a puipunna ang chi reng reng leh Synod hminga ramchhung leh rampawn-a zinchhuahna lam chi reng reng tihloh nise tiin chung te chu Retreat, Camping, Crusade, Consultation, Seminar, Meet chi hrang hrangte a nih thu a tarlang a. Tual-chhung Kohhran Pathian biak inkhawm neih leh neihloh chu Kohhran mal zalenna a ni ang.
Baptist Church of Mizoram (BCM) pawhin nimin khan Kohhran hnena ngenna leh hriattirna tichhuakin Coronavirus hrilên hun lai hi chuan tûl bîk thil tak takah lo chuan state pâwn lamah zin chhuak lo tûrin an in ngen a. UPC (Mz) pawhin Bial, District leh General huap a puipunna ang chi Inkhawmpui leh Revival ang chi te huaihawt rihloh nise an ti a, Covid-19 avangin tun thla ni 22-ah rampum huap tawngtai rualna neih nise an ti bawk.
Salvation Army pawhin Tualchhung Corps/Society/Outpost inkhawm chu Corps/Society Council thuneihna ah dahin, Section hrang te mi In-a inkhawm huaihawt thin thu tih rihloh nise an ti bawk.

Comments

Post a Comment

Popular News (Last 30 Days)

A hun pangngai ah Pavalai Intawhkhawmna neih tum a ni

/
Image
April 12-14, 2024 chhunga Mizoram pum huap Kohhran Pavalai Pawl Intawhkhawmna neihna tur East Lungdar tlang-a Pandal sak chu tukin zing-a thli tleh khan a tichhe vek a. Vawiin vek-a Organising Committee thutkhawm hmanhmawh neih chuan a hun pangngai a neih tumin Pathian chakna ringin inbuatsaihna kalpui nise an ti a. Naktuk (April 1, 2024) atangin Pandal chhia senghawi hna leh Pandal sak that hna chu a khawnat-a thawh nghal tum a nih thu East Lungdar Village Council President K. Lalngaizuala chuan LENKAWL a hrilh.
Kimchang zawkin »

LPG man bithliah thar a ni

/
Image
IOCL in Revised Retail Selling Price a tihchhuah angin Mizoram chhunga eirawngbawlna gas man chu bithliah thar leh a ni a, Vairengte tih loh Mizoram hmundang zawngah chuan LPG Domestic Cylinder kg. 14.2 a rit man chu bur khat Rs. 955/- niin kg. 19-a rit Commercial Cylinder chu Rs. 2224.50 leh kg. 19-a rit XtraTeJ chu Rs. 2247/- a ni anga, kg. 10 a rit Composit Cylinder chu Rs. 688.50 a ni bawk ang. Gas man hi Home Delivery kalpuina ah chuan bur khat ah Rs. 70/- aia tam lo belh tur a ni anga, Home Delivery kalpui thei nganglo Veng, Point delivery kalpuinaah chuan Rs. 7.53 zel belh tur a ni a. Godown-a hralh erawh chuan Rs.33.43 zel paih thung tur a ni.
Kimchang zawkin »