Latest News

Chanchinthar thenkhat :

Roll ennawn hna kal mek tihtawp lailawk a ni

Mizoram-a Village Council leh Local Council inthlanna neih tura Electoral Roll enfiah hna kalpui mek chu tiamchin awm lovin tihtawp lailawk rih a ni. Hemi chungchanga State Election Commission, Mizoram in thuchhuah a siamah tunlaia hri leng, Novel Coronavirus (COVID-19) laka mipuite an him tlan zawk nan Village Councils (Non-sixth schedule) leh Aizawl Municipal Council hnuaia Local Councils huamchhunga Summary Revision of Electoral Rolls a kalpui mek chu Vawiin March 19, 2020 (Thursday) atanga tiamchin awm lovin tihtawp hrih a ni tih a tarlang a ni. 
Lawngtlai DC hovin thukhawm
Lawngtlai District Environment Management Committee chu nimin khan Lawngtlai DC Conference Hall-ah an Chairman, Lawngtlai Bawrhsap, Shashanka Ala-i hova thukhawmin Lawngtlai District chhung a lo thianghlima a lo hrisel zel theihna tur ruahmanna hrang hrang an sawiho a. He hunah hian Bawrhsap chuan chak takin khawpui a thang tih sawiin, bawlhhlawh khawn khawm dan leh tihral dan felfai tak a awm loh chuan bawlhhlawh nen inchiahpiah nuaih a tul thuai dawn tih a sawi a. Kum 50 hnu lam thleng pawha rin theih tur leh harsatna thlen lo tur rua-hmanna tha neih a pawimawh thu a sawi bawk. He hunah hian  Lawngtlai District Environment Plan 2020-2021 chu thlirho a ni bawk.
Party 2 inchhunfin dawn hnai
MPC leh PRISM Party chuan Party pahnih inchhungfin tura hmalakna an kalpui mekah hmawr-bawkna nei turin ruahmanna an siam. Nimin March ni 18, 2020 khan MPC Party leh PRISM Party te chuan Aizawl-a MPC President Room-ah Meeting neiin Party pahnih te inchhunfinna tur a hmalakna thui tak an lo neih tawh thlirletna te an nei a, hun reilote chhunga a hmawrbawkna nei turin ruahmanna an siam thu hi an sawi a, an ruahmanna siam erawh puanzar ala ni lo thung.
Public Interview khar rih
Mizoram sawrkar chuan thuchhuah siamin tun thla ni 16-a State Level Task Force on Mitigation of Coronavirus (COVID-19)-in a rel angin, tunhnaia hri leng Novel Coronavirus (COVID-19) atanga inven nan (precautionary measure), Minister ten Public Interview hun an hawn thin chu March, 2020 chhung tihtawp rih a ni tih tarlangin, hei hi a tul anga pawh-sei theih a ni ang.
Party in ruahmanna siam
Tunhnaia Coronavirus (COVID-19) leng mek avangin MNF Party chuan March ni 18, 2020 (Nilaini) atanga kumin March thla chhung zawng chu Mizo Hnam Run-a Chhung Inkhawm (Pathian biak inkhawm) Thawhtanni leh Zirtawpni-a neih thin chu neih rih loh nise an ti a. ZPM General Hqrs. OB nimin a thukhawm pawhin Vawiin atanga tun thla tawp thlengin Office kharin, an Party activity hrang hrang pawh chawlh rih nise an ti bawk.

Comments

Popular News (Last 30 Days)