Latest News

Hri kai pakhat hmuh belh

Nimin khan Serchhip-ah COVID-19 hri kai mi pakhat hmuh belh leh niin Serchhip District-ah hri kai enkawllai mi pahnih an awm ta a ni.

Nimin-a hri kai hmuhchhuah hi TrueNat Laboratory-a Sample enfiah atanga hri kai hmuh niin hmeichhia kum 19 mi a ni a, tun thla ni 10 khan Shillong atanga rawn haw in Vairengte-ah RAgT hmanga Sample enfiah-ah Negative mah se hri kai lanchhuahna a neih avangin nimin khan a Sample enfiah niin hri a kai tih hmuhchhuah a ni. Hetihlai hian tunhnaia Chhim Veng-a hri kai hmuh in a kawm hnaih mi 8 te Sample enfiah ah hri kai hmuh an awmlo thung a, Serchhip District-ah hri kai enkawllai mi 2 an awm leh ta a ni.

Hetihlai hian Inrinni kalta-a Serchhip-a Puithiam nemnghehna hmang tura Aizawl atanga rawn kal te zinga mi pakhat chu niin zing khan COVID-19 hri a kai tih hmuhchhuah a ni bawk a, hemi avang hian hri kai in Serchhip-a a lo kawm hnaih te chhui hna chu thawh nghal niin Serchhip-a a thlenna chhungkua, Serchhip Dinthar Veng ami te chu In lama inkhunghrang tura tih an ni bawk.

Comments

Post a Comment

Popular News (Last 30 Days)