Lenkawl

Serchhip District Magistrate leh District Disaster Management Authority, Serchhip District-a Chairman ni bawk, H. Dolianbuaia chuan Sec. 33 of Disaster Act, 2005 in thuneihna a pek angin a hnuaia Executive Magistrate te hi Incident Commander atan a ruat a. Hetiang hian an bial tur pawh siam nghal a ni.

Mizoram mi hruailuh an ni

Supply Minister, K. Lalrinliana chuan nimin khan District Hospital, Kolasib-a hman tur bung-rua leh thil chi hrang hrang thahnem tak a hlan.

Mizo National Front (MNF) General Hqrs. chuan COVID-19 avanga khawvel in hun harsa leh khirh tak a tawh mek lai a Zonun ze mawi leh Kristianna parchhuak lo lang mek zel chu lawmawm an tih thu an sawi.

Mizoram-ah Coronavirus vanga khualzin te enfiah hna thawh a nih atangin nimin thleng khan mi 61,363 enfiah ni tawhin rampawn atanga lo haw mi 200 leh State pawn atanga lo haw mi 2449 te chu khung hran (quarantine) an ni tawh a, COVID-19 vei nia rinhlelh mi 8 te chu damdawi In-a enkawl (isolate) ni tawhin mi 44 te sample lakkhawm a nih tawh bakah sample endikna atangin he hri vei mi 1 hmuhchhuah a ni tawh a, enkawlna pek mek a ni bawk.

Mizoram sawrkar chuan COVID-19 avanga puih ngai te chu Chief Minister’s Relief Fund kaltlangin puih theih reng a nih thu a sawi.

Serchhip District Volleyball Association (SDVA) chuan tunlaia COVID-19 leng mek avanga ei leh in-a harsatna tawk chhungkaw pahnih (2) te hnenah nimin khan Buhfai leh chawhmeh an hlan a, heng mite hi Chanmari Veng leh Darnam Veng ami niin SDVA chuan an Players zawng zawngte chu he hri leng mek laka kan him theih nana sawrkar ruahmanna a siamte zawmtu leh midangte hrilh hre tu ni turin an chah bawk.

Nimin chhun dar 12:30 vel khan Serchhip Chanmari Veng huamchhunga Assam Rifles ram, Chand kahna tlang vel chu nasa takin a kang a, Fire Department leh Vengchhung mi tlawmngai ten a theih anga thelh hna hi thawkin In lam tana hlauhawm tur chu ven nghal a ni a, ram lam pawh tlai lamah thelhmih theih a ni. Nimin a kangmei chhuak hi helai hnai-a leipui nei ten Cha an hal atanga intan nia hriat a ni. Helai ram hi thla hmasa khan a lo kang tawh bawk a, vengchhung mi tlawmngai ten thelhin a kang bang chu nimin khan a kang leh ta a ni.

Rampum-a Lockdown kalpui mekah mipui nitin mamawh (Essential commodity) phurtu lirthei ten an hman turin Serchhip District chhung ah Restaurant leh Mechanical Workshop te chu ruahman a ni.

Serchhip District Level Task Force on Covid-19 chu nimin khan an Chairman Serchhip DC, H. Dolianbuaia hova thukhawmin hmalakna hrang hrang an thlir bakah hmalak zelna turte an sawiho a. Serchhip khawchhung mipui ten an nitin mamawh an lakkhawm dan turah ruahmanna siam a ni bawk.

Tangkhang te buaipui mek

Khawvel ram hrang hrang ten an buaipui mek Coronavirus laka mipuite kan him theihna tura chawlhkar khat chhung rampum-a Lock Down kalpui a nih hnuah Serchhip-ah harsatna liantham thleng ala awmlo nia thudawn a ni a. Mipui ten an hna thawh pangngai chhunzawm thei rihlo mahse khawlai-a vakchhuak thunun harsa pawh an la awm lemlo a, mipui ten nidang angin ei leh bar mamawh hmu thei rihlo mah se mi tlawmngai leh Village Level Task Force ten mi harsa zawk te tanpuiin eitur te sem a ni a, sawrkar atanga Tui, Eng leh Buhfai semchhuah ah pawh harsatna thleng a awm lo bawk a ni.

Serchhip-a Urban Development & Poverty Alleviation Department chuan mipuite bawlh-hlawh lakkhawm-a paih hna an thawh mek chu tunlai-a hri leng mek karah pawh a theih anga chhunzawm zel a nih dawn thu an sawi a. Amah-erawh chu he hri leng laka mipuite leh bawlh-hlawh paih hna thawktute an him tlan theih nan bawlhhlawh paihna Motor-a bawlhhlawh paih tur reng reng chuan an bawlhhlawh te chhung lovin Garbage bag-ah lo khung lawk vek tawh tur a nih thu sawiin, hei hi mipuite pawhin lo hrethiam se an duh thu an sawi bawk.

Mizoram Police-a Inspection General of Police (Law and Order/Arms), LH. Shanliana chuan inkharkhip mekah fak tlaka dan leh thupek tha taka Mizoram-ah kenkawh a nih theihna chhan chu mipuiten an mawhphurhna tha taka an lak vang a ni, a ti.

Covid-19 laka inven nana rampum huap Lock Down kalpui a nih mek laiin mipui ten eitur thlai leh Anhnah lam an tlakchhamlohna tur leh thlai huan neitute pawn an thlai tharte chhe mai lova suma an chantir theih nan sawrkar chuan chak takin hma a la zel.

Ministry of Home Affairs duhdan angin Mizoram chhunga State pawn mi hnathawka tangkhangte tan chenna tur leh eitur ruahman a ni.

Mizoram Chief Secretary hova sawrkar hotu pawimawh thukhawmte chuan Covid-19 hrileng vanga inkharkhip hun chhunga mipui nitin mamawh phuhrukna atana hmalakna hrang hrang thlirin ruahmanna an siam a. COVID-19 chungchanga hmalakna hrang hrangah lawmthu an sawi bawk.

Rural Development Minister, Lalruatkima hmalakna-in Mizoram Sawrkar chuan Mizoram-a Lockdown chhung pawha mipui ni 100 inhlawh dan tur ruahmanna a siam.

Serchhip District Consumers Association chuan Serchhip mipui te leh dawrkar ten Mizo nunphung dik tak an la lantir avanga chhuanawm an tih thu an sawi.

Nimin chhun lai atanga vawiin chhun thleng khan state dang atanga Mizorama rawn lut mi 151-te chu an hriselna lo enfiahsak an ni.

Chief Minister Zoramthanga chuan Hripui hlauhawm tak Corona Virus, Mizoram in lo su ve turin kawng tinrengin an inbuatsaih a, a pawimawh ber chu khauh taka hmalak a ni a, hei hian tihsual a veng a ni a ti.

COVID-19 KAN DO                    -H.Lalrinawma

1.AIZAWL DISTRICT:  DAILY REPORT ON STATUS AT QUARANTINE FACILITIES AS ON 26 th   March 2020, 4:00 PM   

Mizoram sawrkar chuan mipuite hnena Ration buhfai a sem thin chu thla thar (april 2020) khian a thlawnin a sem dawn.

-A   A   +A     Skip to Navigation   Skip to Main Content Search   Screen Reader Access   Contact Us   Feedback   Abbreviation DIRECTORATE OF INFORMATION & PUBLIC RELATIONS Government of Mizoram Home About Us  Mizoram  Public Services  Press Release  Speeches  Govt. Holidays Govt. Head  Home   Posts   Mizo Press Releases DIPR’S UPDATE ON COVID-19 FOR MIZORAM DT. 26.03.2020 TIME: 6:30PM ISSUED IN THE INTERESTS OF PUBLIC BY INFORMATION & PUBLIC RELATION DEPARTMENT   No.3313/2019-2020   1.AIZAWL DISTRICT:  DAILY REPORT ON STATUS AT QUARANTINE FACILITIES AS ON 26 th   March 2020, 4:00 PM    DAILY REPORT ON STATUS AT QUARANTINE FACILITIES AS ON 26 th   March 2020, 4:00 PM  Sl No   Location of  Quarantine  Facility/  Camp    Capacity   ...