Lenkawl

Champhai Chhangphut Field-a cheng nuai 412 senga Synthetic Turf phah thar chu nimin Oct. 30, 2014 khan Chief Minister, Pu Lal Thanhawla chuan a hawng.

School Education changtu Parliamentary Secretary, Pu Joseph Lalhimpuia chuan Mizoram-a Primary School awmsa 163 ah sorkar in Pre-primary School siam a tum thu a sawi.

MZP Gen. Hqrs. chuan Borapansuri-I a MZP ramah Nov. 14, 2014 khian ‘Zofate Chawlhbuk’ sakna tur lungphum phumin Chawlhbuk hi sak \an nise an ti.

Rampuma Right to Information (RTI) Week hman mek pualin nimin Oct. 30, 2014 khan Serchhip-ah inkhawm neih a ni a, he hun hi Mizoram State Information Commissioner Pu L. Hrangnawna, IPS (Rtd) chuan khuallian niin a rawn hmanpui a ni.

 MJA Serchhip District chuan nimin Oct. 29, 2014 khan Executive Meeting neiin Sept. 10, 2014-a Chhingchhip khuaa NLUP \anpuina dawngtu zinga hma la \halo nia hriat mi 2 te hmalak dan an en \uma an thil hmuh te sawiin, heng mi 2 te \anpuina pe zui leh tura VC leh YMA in thuneitute an ngen sakna chu uluk zawka enzui nise an ti a. Hei bakah hian an member mi 2 te chu thla 6 aia rei Non-Working Journalist an ni tawh nia hriain MJA Dan Bu in a sawi angin insawifiah tura hriattir nise an tih bakah Serchhip Venglai-a Press Club hmun tur an dil chu a \ul anga bawh-zui zel nise an ti bawk.

Mizoram Pollution Control Board (MPCB) hmalakna in Ser-chhip-a lirthei chi hrang hrang ten boruak chhia an pekchhuah dan enfiahna chu nimin a\ang khan Serchhip-a DTO Office-ah neih \an a ni.

Sorkar laipui in thingtlang mipuite hmasawnna tura ruahmanna a siam chi hrang hrang mipuite hnena inhrilhhriatna hun, Bharat Nirman Public Information Campaign chu nimin (Oct. 29, 29014) khan Mamit District-a Tuidam khua ah neih \an a ni. 

Central YMA chuan ZRA ten remna zawnga inbiak an duhlo chu vanduai-thlak an tih thu leh hriatthiam harsa an ti takzet tih an sawi.

Home Minister Pu R. Lalzirliana chuan sorkar hnathawk leh mipui pawi-sawilo te vau beta chhiah tuklui \hin helpawl te khawsak dan chu sorkarin a huat takzet thu sawiin, heng kawh-mawh bawl hmang te hi zawnchhuaha hrem an nih tur thu a sawi.

Kumin January a\anga September thla thleng khan Mizoram-ah TB vei nia rinhlelh mi 7344 te enfiah ah TB vei mi 1562 hmuhchhuah niin TB vanga boral mi 11 an awm bawk.

Food Corporation of India (FCI) hnathawh leh kalphung her danglam tura India sorkar in a din thar, High Level Committee on Restructuring of Food Corporation of India-a Chiarman chuan nimin khan Aizawl-ah India hmarchhak state 6 a Food & Civil Supplies Department Secretary-te leh Official-te a kawm.

Minister of State Pu Lal Thanzara chuan India hmarchhak ah Mizoram chu Power supply dawng \ha ber kan ni, a ti.

Urban Development & Poverty Alleviation Department (UD&PA) Director, Pu Zorammuana, MCS chuan nimin (Oct. 28, 2014) tlai khan Serchhip khawpui chhunga UD&PA Department in hmasawnna hna an thawh hrang hrangte a hmuna kalchilhin a enfiah.

India hmarchhak a a hmasa ber turin Bukvannei, Kolasib Distict-a Godrej Agrovet Ltd, Mumbai ina a bun, Oil Palm Mill chu nimin khan Chief Minister, Pu Lal Thanhawla chuan a hawng.

Nimin Pathianni hmang khan Baptist Church of Mizoram (BCM) chuan Mizoram hmun hrang hrang ah BCM rorelna sang ber dawttu Area Baptist Council (ABC) khawmpui an nei a. Serchhip ABC pawhin BCM New Serchhip Biak In-ah ABC khawmpui hi neiin nizan khan an \iak a ni. Serchhip ABC ah hian Pastor bial 5 an awm a, nimin Pathianni zing inkhawm ah khan Upa thlanthar te nemnghehna hun hman niin Upa 6 nemngheh an ni a, heti hian Serchhip ABC huam-chhung ah hian Upa 165 an awm ta a ni. Nimin a hmun hrang hranga ABC inkhawmpui ah hian Upa 127 nemngheh an ni a, heti hian BCM-ah hian Upa 2864 an awm ta bawk a ni.

Nov. 11, 2014 a\anga Mizoram Legislative Assembly \hutkhawm neih tur chu Nov. 26 thleng neih tura rua-hman a ni.

Kar kalta Thawh\anni-a Bilkhawthlir dai a\anga misualten an rukbo Bagha khaw mi hnamdang 2 chu Inrinni khan him takin an chhuak.

Right to Information (RTI) Week chu nimin a\ang khan hman \an a ni a, Mizoram-ah chuan Vawiin a\ang hian hman a ni ang.

YMA Sub-Hqrs. Serchhip buatsaih C. Laltea Memorial Inter-Branch YMA Volleyball Tournament chu Inrinni khan khelh zawn a ni a, Serchhip Chhim Veng Branch YMA leh New Serchhip Bazar Branch YMA te an champion.

Kumin chhungin Serchhip Police Station-ah Case chi hrang hrang 57 ziahluh a ni tawh a, Police te chuan pawikhawihna a thlenin hnu chhui a awlsam theihna turin sulhnu awm te venhim a pawimawh thu an sawi bawk.

Social Welfare Department Director Pi Vanlaldini chuan niminpiah Oct. 22, 2014 khan Serchhip-a Home hrang hrang tlawhin an dinhmun a enfiah.

MNF President, Pu Zoramthanga chuan Assembly inthlan leh hunah Congress party chu beih tlak an ni tawh dawn lo niin a sawi.

Mizoram mamawh buhfai Myanmar a\anga chawlut tura FCI-in hma a lak mek laiin Mizoram sorkar chuan ramchhung hmun dang a\anga Mizoram mamawh buhfai quintal 30,000 chuang supply turin Aizawl Zarkawt-a Pu Lalrindika a thlang a, ani hian quintal khat zelah Rs. 2,575/- rate-in a supply dawn a, a buhfai supply tur hi Zuangtui-a Supply Kudam-ah a thlen dawn a ni.

North Vanlaiphai SDO(C), Pu Ngulsangvela, MCS chu Disaster Management & Rehabilitation Department-ah Under Secretary hna chelh tura sawn a nih hnuah North Vanlaiphai SDO (C) atana ruat, Pu Abhijit Vijay Chaudhari, IAS hnenah nimin khan mawhphurhna a hlan a. Pu Abhijit hian nimin khan Serchhip DC Office tlawhin DC leh Officer dangte nen inhmelhriatna hun an hman hnuah North Vanlai-phai hi a pan a ni. Pu Abhijit Vijay Chaudhari hi 2012 Batch IAS niin Jan 20, 1986 a piang a ni a, thiamna lamah BAMS (Bachelor of Ayurvedic Medicine and Surgery) niin Sanskrit ah Bachelor degree a nei bawk.

Finance Minister Pu Lalsawta chuan Mizoram sorkar Department hrang hrang ah website 125 awm tawh tih sawiin, hengte hi mipui mamawh chhawpchhuahna atan hman tura puahchah a ni, a ti.

MNF East Block Serchhip chuan Serchhip-II VC a NLUP Committee in Department pahnih-a NLUP dawngtute chu pawisa pe turin an phut nia sawiin, heng pawisa te hi pekir leh turin an phut tih an sawi.

MPCC President leh Chief Minister ni bawk, Pu Lal Thanhawla chuan MNF MLA, Pu Vanlalzawma’n inpuahchahna nei miah lova District thar 5 lai 1998-a Congress Sorkarin a siam ni anga a sawi chu thil a hriat chian loh vang a ni, a ti.

Bilkhawthlir leh Buhchangphai inkarah misual tu tih hriat lohten hnamdang 2 an ru bo.

PWD Serchhip Division chuan khawpui chhung kawng siam\hat hna an thawk dawn a. Hriat theih chinah Metal road awmsa a\anga Sport Complex (Hmar Veng) thleng leh Bazar a\anga Chanmari panna 200 metres te leh AOC lane-II 200 metres te an ni a, hengte hi alkatra luan tum a ni. Hei bakah hian VC te nena \angkawpin Serchhip Bazar peng \huam-a electric ban awm mek pawh sawn tum niin, tukin zing hian heng hna thawh tur te hi enfiah tum a ni.

Mizoram Food and Allied Industries Corporation Ltd. (MIFCO) bultumin nimin Oct. 21, 2014 khan Chhingchhip-ah Tuikum cluster a NLUP leh RKVY kaltlanga Sapthei chin runpui ‘Captive Farming Project of Passion Fruit in Tuikum Clusters under NLUP/RKVY’ hawnna inkhawm buatsaih a ni.

National Health Mission (NHM) hnuaia nu leh nau hriselna tura sorkar hmalakna programme pakhat, Reproductive Child Health (RCH) Programme Mizoram-ah bawhzui a nih dan thlirletna chu nimin khan neih a ni. 

YMA Sub-Hqrs. Serchhip buatsaih C. Laltea Memorial Inter-Branch YMA Volleyball Tournament chu nimin Oct. 21, 2014 khan Serchhip-a Leisekawt Field-ah khelh \an a ni.

Mizoram in kum khata buhfai a mamawh zat chu 18,43,813 qtls. anih laiin a thar zat chu 4,72,010 qtls. chauh a ni a, he hi mamawh a\anga chhutin 20% chauh a ni tih tunhnaia Word Food Day puala inkhawm neih ah tarlan a ni a. Kum khata buhfai indaih-lohna hi quintals 17,40,066 niin, kum khata mi pakhat mamawh chu quintal 1.69 nia chhut a ni. Mizoram ah leilet a siam theih hectare 74,644 a awm laiin leileta hman chu hectare 14,940 chauh a ni a. Thlai chinna (Horticulture ram) atana hman theih 11,30,000 hectare awmah ram hman \angkai chu hectare 1,10,000 chauh niin hei hi a pumpui a\anga chhutin 5% chauh a ni.

Mizoram Journalist Association (MJA) Gen. Hqrs. chuan Mizoram House leh Guest House hrang hranga thlenna chungchangah sawrkar thupek dinglai chu zawm an duh tih an sawi.

Kar kalta Zirtawpni (Oct. 17, 2014)-a Serchhip Hmar Veng-a mipa naupang thihna chungchanga thu leng-vak tam tak chu thu diklo nia thudawn a ni.

North Eastern Region Infrastructure Conclave, 2014 chu Inrinni kalta, Oct. 18, 2014 khan Guwahati a Hotel Radisson Blu-ah DoNER Minister Gen.V.K. Singh-a kaihhruaina ah neih a ni a, he hunah hian Mizoram Chief Minister, Pu Lal Thanhawla pawh telin thil chi hrang hrang a thlen a ni.

Kum 2005 September thla a\anga kumin 2014 (October 13) inkar, kum 10 chhung khan Mizoram-ah mahni intihlum mi 663 an awm tawh ni a chhinchhiah a ni a, kumin chhungin mahni intihlum hi mi 65 an awm leh tawh niin New Life Charity Society (NeLICS) record ah tarlan a ni.

United Nations Organisations (UNO) peng hrang hrang in a Eco System siam\hat hna leh humhalh tura beihpui thlakna tur bul \anna, United Nations Joint Initiative Project in Mizoram chu nimin khan Chief Minister Pu Lal Thanhawla chuan a hawng.

Rampum ah Petrol man litre khat zelah Re. 1/- a tihhniam a nih hnuah Mizoram-a Petrol man tur pawh bithliah fel a ni ta a. Hemi ang hian Serchhip-ah chuan Petrol hi Litre khat zelah Rs. 65.46 a ni anga, petrol \ha chi Xtra Premium (XP) chu litre khat zelah Rs. 74.46 a ni tawh bawk ang. Mizoram-a Petrol to-na ber Champhai-ah chuan litre khat ah Rs. 65.65 a ni ang.

Nakum (2015)-a Mizoram Village Council in-thlanpui neih tur atan inbuatsaihna kalpui \an a ni.

Tunkar Thawhlehni, Oct. 14, 2014 a\anga neih Serchhip District RGKA Sports-2014 chu nimin Oct. 16, 2014 khan zawhfel a ni a, Serchhip RD Block chuan Block Champion lawmman an dawng a ni.

Chief Minister Pu Lal Thanhawla chuan nimin khan Serchhip Bazar-a YMA Sub-Hqrs. Office tlawhin YMA Sub-Hqrs. hruaitute nen inkawmna an nei a. YMA Office sakna tur sum a ngaihtuahpui chu lawmawm an tih thu lo thlenin, Office panna tur kawng laihzuah an duh thu YMA Sub-Hqrs. hruaitu ten an lo thlen chu a theih anga an ngaihtuah tur thu Chief Minister hian a sawi a ni.

Election Commission of India chuan thuchhuah siamin Serchhip District chhunga 26-Serchhip (ST) AC leh 28-Hrangturzo(ST) AC-ah Polling Station pasarih a siam thar a, heng Polling Station te hi remchan zawkna avanga Polling Station hlui hmanlai pasarih te thlakna tur niin Polling Station thar te hi Serchhip (ST) AC-ah Thenzawl-III leh Hrang-turzo (ST) AC-ah Biate-I, Biate-II, East Lungdar-III, Mualcheng, Leng leh Lungchhuan te an ni.

YMA Sub-Hqrs. Serchhip-a Cultural Troupe te chuan nimin Oct. 15, 2014 khan damlo a mamawh ten a thlawna an hman theih tura JN Hospital Serchhip Blood Bank-a dah turin thisen an pe a. Thisen petu hi Mipa 17 leh Hmeichhia 2, an vaiin mi 19 an ni a. He hunah hian Association for Voluntary Blood Donation (AVBD) Serchhip Branch hruaitu ten thisen pek pawimawhna hrang hrang zirtirin Awareness Campaign an nei nghal bawk a ni.

Chief Minister Pu Lal Thanhawla chuan Serchhip-a Officers te chu mipui tana \hian \ha sorkar siam turin a chah.

All Mizoram Farmers’ Union (AM-FU) chuan kumthar 2015-2016 chu ‘Buh thar tam kum’ ah puan nise an ti.

UPC (NEI) Serchhip Biak Inpui-ah nimin Oct. 15, 2014 khan kumpuan atana ‘Thianghlimna’ tih hman mek bawhzuina atan ‘Seminar on No-Tobacco’ buatsaih a ni.

Election Commission of India (ECI) thupek anga Electoral Roll Special Summary Revision neih tur atan Draft Roll chu nimin Oct. 15, 2014 khan Mizoram pumah tarchhuah a ni.

Serchhip District-a National School Safety Programme (NSSP) Sensitization Programme kharna leh hemi puala intihsiakna a lawmman chi hrang hrang semna chu nimin (Oct. 15, 2014) khan Serchhip-ah neih a ni.

Bru hel pawl leh Tripura-a NLFT hel pawl nia hriatten Zirtawpni kalta (Oct. 10, 2014) zana mi 11 an rukbo te tlanchhuah nan cheng nuai 30 an phut.

Food, Civil Supplies & Consumer Affairs Department chuan tun thla ni 13 thleng khan Mizoram-ah Petrol litre 241,990 leh Diesel litre 311,014 a awm nia sawiin, mipuite renchem zawka POL product Petrol/Diesel te hmang \heuh turin an ngen.

Serchhip District Level Rajiv Gandhi Khel Abhiyan (RGKA) chu nimin khan Serchhip-ah neih \an a ni.

Chief Minister Pu Lal Thanhawla chuan sorkar hnathawk  zawng zawng te chu CCS (Conduct) Rules in a phuar vek thu sawiin, a tam zawk erawh chuan he Rules hi an hrechiang tawklo hle a ni, a ti.

Mizoram sorkar Finance Department hotute leh State Planning Board a hotute chuan nimin khan October, 2012 a\anga March, 2013 inkar leh April, 2013 a\anga September,2014 inkara Mizoram sorkar sum hmanna hrang hrangte zirchiangin Mizoram sum dinhmun te an sawiho.

Mizoram ei leh bar dinhmun leh khawsak phung chawikang turin Mizoram sorkar leh UN Organisation hrang hrang te an thawkho dawn a, he project hi tun thla ni 16 khian Chief Minister Pu Lal Thanhawla chuan Aizawl-a Vanapa Hall-ah a hawng ang.

Serchhip-IV Village Council/Court chuan an huam-chhung ah Ui khuahkhirh tumin hma an la mek a, hemi chungchangah hian an area a YMA Branch ten hma la \an mekin Ui khuahkhirhloh khawlaia chhuak man te chu Rs. 200/- chawitir zel an ni ang.

Chief Minister Pu Lal Thanhawla chuan nimin khan Aijal Club-ah World Bank bultum Mizoram State Roads-II Regional Transport Connectivity Project a hawng.

Mizo Zirlai Pawl (MZP) Assembly-2014 chu nizan hmasa khan Farkawn khuaa ‘Zofate Run’ ah neih \an a ni a, zanin hian a \iak ang.

Kar hmasa tawplam a\anga Serchhip-ah Petrol ala thlen mumal loh avangin Petrol chu khuahkhirh mek zel ala ni a, nimin lam khan lir-thei hrang hrangte tan bithliah awm sa hmanga pekchhuah leh niin tun dinhmun ah Petrol dahkhawlsa hi a tlem tawh avangin Vawiin a\ang hian mipui hnenah pekchhuah a ni tawh dawnlo nia thudawn a ni a. Tuna Petrol la awm ang angte hi sorkar in rikrum thil leh thil pawi-mawh bik atana a hman theih turin dah a ni dawn nia thudawn a ni. X Hetihlai hian Mizoram sorkar chuan thuchhuah siamin nimin khan Petrol phur Truck 4 leh Diesel phur Truck 10 te chuan Aizawl an rawn thlen beisei a ni tih tarlangin, Vawiin hian Petrol phur Truck 12 leh Diesel phur Truck 15 ten Aizawl an thlen beisei a nih thu a tarlang bawk.

Serchhip-a Oct. 2, 2014 a\anga Faina Hapta hman chu nimin khan a kharna leh inelna buatsaiha ti\hate lawmman semna neih a ni a, Serchhip Town-a VC Area fai berah Chhiahtlang VC chu thlan a ni.

IGNOU Programme Study Centre, DIET Serchhip chuan nimin khan D.El.Ed (Diploma in Elementary Education) zirlai tharte lawmluhna hun an hmang a, he hun hi Serchhip DIET Principal, Pu Lalrammawia chuan hmanpuiin zirlai tharte fuihna thu sawiin, zirlaite chu IGNOU a nih avanga inthlahdah lo turin a chah a ni. IGNOU Prog-ramme Study Centre No. 1930, DIET Serchhip hian tun dinhmunah D.EL.Ed ti mek mi 200 awmin Course dang dang te nen an vaiin zirlai 205 an awm mek a ni.

Serchhip leh Buarpui inkar kawng Asian Development Bank (ADB) sum hmanga laihzauh tur atana ram neitute hnena zawngnadawmna pek hna chu kalpui mek a ni a, zangnadawmna la turte hi a hming putu ngei kal tura beisei niin Voters ID leh ram pass/patta-na lehkha (Original) ken tur a ni a, mahni ngei kal theilo te tan VC ten anmahni  chhungte ngei an ni tih an hriatpuina lehkha kentel a \ul thung a ni.

Mizoram in tuialhthei a harsatna kan tawh mek angin Serchhip-ah pawh Petrol leh Diesel a harsa zui zel.

Serchhip District Disaster Management Authority (SDDMA) buatsaihin nimin Oct. 8, 2014 khan Serchhip DC’s Conference Hall-ah Disaster Risk Reduction Day hman a ni.

YMA Sub-Hqrs. Serchhip-a Education & Youth Affairs Sub-Committee buatsaih in nimin Oct. 8, 2014 khan Zonunmawi leh Career Awareness Campaign neih a ni.

Sor kar thu angin Silai License zawng zawng chu Online Registration tih vek a n dawn a, hei vang hian Serchhip District-a silai license nei zawng zawng chu Oct. 2014 chhunga DC’s Office-a in report vek tura hriattir an ni.

All Mizoram Karate Association buatsaih, Inter District Karate Championship vawi 13-na chu In-rinni, Oct. 4, 2014 khan Lunglei ah zawhfel a ni a, District hrang hrang a\angin infiammi telin Serchhip District a\anga kal ten Best Discipline lawmman an la a ni.

Mizoram-ah kum 2009 a\anga kumin 2014 inkar chhung hian Cyber Crime thubuai 37 ziahluh a ni tawh a, heng zinga 14 te chu kumin chhunga ziahluh a ni a. Hetihlai hian Mizoram-ah Cyber Crime Investigation Cell chu kumin May ni 21 khan din a ni tawh bawk.

Niminpiah Oct. 5, 2014 (Pa-thianni) khan Sub-Hqrs. YMA Ser-chhip Anti-Drug Squad (SADS) leh Excise & Narcotics Department te chuan Tuirial Airfield Peng-ah Heroine No. 4 Cane 6 an man.

Tunhnaiah Mizoram-a Oil phurluh chungchang ah harsatna a thlen avangin Serchhip-ah pawh Petrol leh Diesel a harsa mek.

Mizoram mamawh buhfai te Myanmar a\anga lakluh a nih theih dan tur chungchang ngaihtuah turin FCS&CA Minister, Pu John Ro-tluangliana chuan nimin khan Champhai thlengin Vawiin ah Tidim (Myanmar) a tlawh zui leh nghal ang.

Kumin chhungin Excise & Narcotics Department chuan zu leh ruihhlo, cheng vbc 5 chuang man an man tawh.

Mizoram a Oil leh Gas zawngtu Company te chuan an thil zawn man (license fee) atan Mizoram sorkar hnenah Rs. 1,52,372,541 an chhung lut tawh.

Serchhip District Anti-Tobacco Squad te Inrinni kalta zing khan Serchhip Bazar leh a chhehvel-ah Squad Drive neiin dan in a phallohna hmuna mei zu mi 4 an man a, heng mite hi Dan angin pawisa chawitir an ni. Hemi hmalam hian sorkar Pisa hrang hrangah Squad Drive hi an lo nei tawh bawk a, heng ah te hian Awareness campaign neih nghal zel a ni bawk.

Sub-Hqrs. YMA Anti-Drug Squad (SADS) te chuan Inrinni (Oct. 4, 2014) tlai dar 4:45 vel khan Serchhipa hralh tur Heroine No. 4, Rs. 13,000/- hu vel an man.

Nausen kum khat hnuailam thihna tihtlem kawnga Mizoram in hma a sawn avanga 13th Finance Commission in Incentive Grant a pek a\anga lei Bolero 14 te chu Inrinni, Oct. 4, 2014 khan Aizawl a\angin vailiam a ni.

Tourism Department in khual-zinte hipna tura an buatsaih \hin, Anthurium Festival-ah kum kua (2006-2014) chhungin cheng nuai 150 an hmang tawh a, heng sum te hi Central a\anga sum lokal, Ministry of Tourism a\anga Anthurium Festival hmanna tur atan liau liau a hmuh a ni.

Mizoram-a Bank hrang hrang zinga Branch ngah ber, Mizoram Rural Bank (MRB) chuan Mizoram-ah Branch 76 a nei tawh.

YMA Sub-Hqrs. Serchhip buatsaihin ‘C. Laltea Memorial Inter-Branch YMA Volleyball Tournament’ chu Oct. 21, 2014 a\ang khian Serchhip-ah khelh tum a ni.

Serchhip Kawnpui NGO Coordination Committee chuan an huamchhung Village Council hranga dah tura hma an lakna tih hlawhtlin a nih loh chuan nakum-a VC inthlan boycott thlenga hmalak an tum tih an sawi.

Food, Civil Supplies & Consumer Affairs Director chuan nimin khan thu-chhuah siamin tun a\anga thu leh awm hma chuan motor chi hrang hrangin motor a fuel tank bakin petrol leh diesel lak theih a ni lovang tih a tarlang a. Petrol leh Diesel te hi gallon in pek loh tur a nih thu leh, black a hralh tur ni a hriatte hnenah chuan pek loh tur a nih thu tar-langin, hemi chungchang complaint duh tan Ph No. 2300488 ah engtik lai pawhin biak theih a ni tih a tarlang a. He Order hi harsatna awm thut thei laka inven lawkna a nih thu leh a \ul anga ennawn leh tur a nih thu a tarlang bawk.

Central YMA chuan nimin khan state sorkar \awiawma Village Population Registation hmanga Chakma Census neih tur bawhzuina kal zelah Home Minister Pu R Lalzirliana hovin Census neihna tur 'Format' an tlirho.

PYKKA thlakna tura ruahman, Rajiv Gandhi Khel Abhyan (RG-KY) District Level Sport chu thla thar Oct. 14 a\anga ni 16 chhung khian Serchhip-ah neih a ni dawn a. He Sports neih tur chungchang thlir hian Serchhip District Sports Committee chu nimin khan DC’s Meeting Room-ah Addl. DC, Pu VL. Remliana hova \hukhawmin he Sports neih turah hian item 10 ah inelna neih nise an ti a. He Sports ah hian Serchhip leh East Lungdar RD Block aiawhte an inel ang.

MZP Gen. Hqrs. chuan nimin Sept. 26, 2014 khan Executive Meeting neiin State Technical Entrance Examination Rules hmanlai siam\hat ngai lai turte an sawiho.

Chief Minister Pu Lal Thanhawla chuan nimin Sept. 26, 2014 khan a enkawl Department hrang hrang hotute kawmin, hmasawnna tura ruahmanna an siam hrang hrang an sawipui.

Fisheries Department chuan tunlai hian DFDO Office, Serchhip a\angin Sangha khawitute hnenah \anpuina an semchhuak mek a, \anpuina hi Fish Farmers’ Development Agency kaltlanga sem niin chhungkaw 155 te hnenah Sangha Dil chei\hatna turin Rs. 7500/- zela sem a ni.

Thla thar Oct. 15, 2014 a\anga Electoral Roll Special Summary Revision neih tur atana inpuahchahna atan nimin Sept. 25, 2014 khan Serchhip leh Tukum Assembly Constituency huamchhunga Booth Level Officer (BLO) te tan Serchhip-ah training neih a ni.

Nizan hmasa Sept. 24, 2014 dar 8:30 vel khan Lalnithanga (30) Thentlang, Serchhip District chuan an \henawma tleirawl kum 16 mi chu an In ah lengah sawmin pawng-sual tum ah puh a ni a, Serchhip Police ten thu zawhfiah atan an kawl mek.

Mizoram sorkar leh MZP ten State Technical Entrance Examination- 2014 (STEE-2014) a Chakma-te Category-I-a an awm avanga buaina a inremna an siam chu Political Party hrang hrang leh YMA chuan lawmawm an tih thu an sawi.

State Technical Entrance Exam-2014 result siam\hat phut nana MZP thilphut chu sorkar in tih hlawhtlin a tiam tak avangin MZP chuan lungawilohna an lantir titawpin MZP hruaitu man te pawh chhuah an ni. 

Chief Minister Pu Lal Thanhawla’n department tin ten kalphung thar leh hmasawnna tura ruahmanna mumal an duante sawihona kal zelah nimin Sept. 24, 2014 khan Pu R. Romawia enkawl Department hrang hrang hmachhawp te a sawipui.

Mamit East MNF Block chuan Lengpui khuaa NLUP dawngtu a sawi mi 65 te chu Lengpui khua ah an hmu zolo tih an sawi.

 Govt. Higher Secondary School Serchhip-a National Service Scheme (NSS) te chuan nimin Sept. 24, 2014 khan NSS din champha, NSS Foundation Day an hmang a. He NSS Foundation Day hi BNRGSK Hall-ah hmangin an School Principal, Pu Lungngailova chuan khuallian niin a hmanpui a, Pu Samuel Sai\huamliana Programme Officer chuan NSS chanchin a sawi bawk.

MZP Hqrs. Serchhip chuan nimin khan thuchhuah siamin STEE 2014 Exam result-a indigenous te awmna tura Chakma leh hnamdang mi 41 dah an nih avanga MZP Gen. Hqrs. hmalakna chu an thlawp tih thuchhuah siamin an tarlang a. Hetih-rual hian sorkar lam inenlet lo leh Mizoram leh Zofate hmakhua ngai a MZP te hmalakna hrethiamlo luia Chakma te thlavang hauh a Zirlai hruaitu te an man an ni chu hriat-thiam har an tih thu an tarlang a. Heng MZP hruaitu man te hi a rang thei ang bera chhuah tur leh Chakma te hi indigenous a\anga paih tura sorkar chu phutin, MZP Gen. Hqrs. hmalakna chu a tawp thlenga an zui tur thu an tarlang bawk.

Serchhip hmarlama Maxi Cab tlan \hin te Stand atan Serchhip AOC Veng chu ruat nawn leh niin Maxi Cab te tan hian Serchhip Bazar-ah Passenger lak leh dah erawh phalsak an ni tawh dawn.

MZP ten STEE -2014 result siam\hat ngiata hma an lakna kal zelah MZP hruaitu mi 13 te chu nimin Sept. 24 khan Police ten an man a, MPC leh ZNP |halaite chuan MZP hmalakna hi an thlawp thu an sawi thung.

Nimin Sept. 23, 2014 chhunlai vel khan Serchhip chhimlam Veng pakhat a hmeichhe naupang kum tlinglo chu mipa naupang kum tlinglo vek pakhat in hmeichhiat mipatna kawngah khawih tumin a lo bei nia thudawn a ni a. Pawikhawihtu pa hi man nghal niin nimin vek khan Police ten an la nghal a, Juvenile Justice Board (JJB) lamin an thubuai hi an ngaihtuah a ngai dawn nia thu-dawn a ni. (Heng mite hi kum tlinglo an nih avangin Dan in an hming leh nihna hi tarlan leh puanzar hi a khap a ni.)

Science & Technology Department chhinchhiah danin kumin 2014, January a\anga August thla tawp thleng khan Mizoram-ah ruahtui mm 1310.08 chauh ala tla a, kumdang ngaihtuahin ruahtui tla hi ala tlem ni a hriat a ni.

Thla kalta-a Serchhip District SP in Serchhip Bazar a\anga AOC Veng-a Maxi Cab Stand sawn tura Order alo chhuah tawh chu Maxi Cab neitu ten duhlohna an lantir hnuah Vawiin hian Maxi Cab Stand chungchang hi SP hovin sorkar thu-neitu ten an sawiho leh dawn nia thudawn a ni. Hetihlai hian Maxi Cab neitute hian Maxi Cab Stand sawn an duhlohna avanga ni 2 lai an service an tihtawp chu titawp rih mah se tunhma lama mipuite hmakhua ngaia remchanna an siam sak \hin zawng zawng kha an titawp vek thung a ni.

Serchhip leh Buarpui inkar kawngpui laihzauhna tura ram neitu \henkhat chuan compensation siam dan a rualkhai lo nia hriain, ram enfiah hna thawh \hat an duh thu tunhnai khan Chief Minister, Pu Lal Thanhawla hnenah an thlen nia thudawn a ni a, Chief Minister hian Serchhip DC chu thil awmdan enfiah turin a ti a ni. Helai kawng hi cheng vbc. 259.20 senga siam\hat tura ruahman niin compensation tihfel a nih tawh thu kumin a Serchhip-a Independence Day lawmna ah khan sawilan a ni.