MZP Gen. Hqrs. hruaitu mi 13 te man an ni. MPC leh ZNP |halai ten MZP an thlawp.

MZP ten STEE -2014 result siam\hat ngiata hma an lakna kal zelah MZP hruaitu mi 13 te chu nimin Sept. 24 khan Police ten an man a, MPC leh ZNP |halaite chuan MZP hmalakna hi an thlawp thu an sawi thung.

MZP in State Technical Entrance Examination (STEE) 2014 result siam\hat an phutna atana kar kalta Ningani, Sept. 18 a\anga Higher & Technical Education Department-a Technical Wing a thawkte Pisa kai tur an dan kal zelah Aizawl District Magistrate chuan nimin khan Section 144 of the Code of Criminal Procedure, 1973 (Act II of 1974) tlawh chhanin Aizawl khawpui chhung hmun \henkhatah khawtlang thilah emaw, politics kaihhnawih emaw avanga mipui punkhawm a khap a, he thupek bawhzui hian heng MZP hruaitute hi nimin tlai khan Police te chuan an man a, Aizawl Police Station-ah hren nghal niin MZP chuan Mizoram sorkar in Chakma-te thlavang a hauh leh ram leilung faah a chhiar chu na an tih thu an sawi bawk.
    Hetihlai hian MPC leh ZNP |halaite chuan nimin khan thuchhuah siamin MZP hmalakna chu an thlawp thu an tarlang a. MPC |halaite chuan Chakma te chu Mizoram tualchhuak hnam, ram leilungfa an la ni ngailo tih tarlangin, India Danpui siamtute pawhin Chakma te chu foreigner an ni tih a hriat chian avangin India rama hnam hrang hrang te zingah telh lovin Mizo hnam zingah pawh an tel lo niin an tarlang a. Heti chunga sorkar in Indigenous Tribe of Mizoram huang a a telh lui chu Mizo fate thamlohna leh Chakma te vote duhna vangah an ngai tih an tarlang a. ZNP |halaite pawhin MZP te hmalakna chu chhuanawm an tih thu leh a tawp thlenga an thlawp thu tarlangin, STEE-2014 result-a Chakma 38 te dan ang thlapa lut an nih thu Mizoram sorkarin a sawi chu lungchhiat thlak an tih thu an tarlang bawk.