Chief Minister enkawl Department te hmasawnna tura ruahmanna siam sawiho a ni.

Chief Minister Pu Lal Thanhawla chuan nimin Sept. 26, 2014 khan a enkawl Department hrang hrang hotute kawmin, hmasawnna tura ruahmanna an siam hrang hrang an sawipui.

Chief Minister Pu Lal Thanhawla hian department tin ten hmasawnna tura ruahmanna thar an siam sawihona kal zelah nimin khan a Office-a Cabinet Room-ah a enkawl department PWD, P&E leh I&PR hotu kawmin hmasawnna tur ruahmanna thar an chhawpchhuah te a sawipui a. He hunah hian PWD in hmachhawp a chhawpchhuah thar zingah chhim lama project neihte awlsam zawka enkawl theihna tura Lunglei-ah Architect leh Supporting staff siam rawtin, AE/SDO leh JE post ruak engemawzah awm chu hnawh khah dan ngaihtuah nise an ti a. Hemi bakah Land Acquisition Coordinator leh Assistant Architect post ruak te pawh hnawhkhah rawtin, Court case department in a neih te lo buaipui turin Law Graduate pakhat M/R basis a rawih nise tih leh Publicity Cell din nise an ti bawk. Power & Electricity Department in hmasawnna tura rawtna an siam zingah power supply mumal taka pek anih theih nan spare parts leh bungraw pawimawh zual neih lawk nan Stock Expense Fund siam nise tiin, Departmentin mithiam alo rawih tawh, M/s ASCI, Hyderabad te rawtna anga Generation, Transmission, leh Distribution-ah department chu \hen rawtin, Post ruak hnawhkhah chungchang leh quality control lam ngaihpawimawh a \ul thu te an sawiho bawk.
    Hei bakah hian Information & Public Relations Department in hmasawnna tura rawtna an neih te pawh he hunah hian sawiho zui niin tunhmaa a mamawhte hnena radio sem \hin kha fund siama sem chhunzawm leh nise tiin an rawt a, Bharat leh Aizawl Darshan pawh chhun-zawm leh rawtin Minister tinte hmalakna pawh thlakhatah vawikhat tal media kaltlangin tlangzarha, pholan \hin nise an ti a. Heng Department hrang hrangte rawtna siam hi department hotute bakah Secretary te nen sawiho nghal zel a ni bawk.