Serchhip-ah BLO ten training an nei

Thla thar Oct. 15, 2014 a\anga Electoral Roll Special Summary Revision neih tur atana inpuahchahna atan nimin Sept. 25, 2014 khan Serchhip leh Tukum Assembly Constituency huamchhunga Booth Level Officer (BLO) te tan Serchhip-ah training neih a ni.

He training Serchhip DC’s Conference Hall-a neih hi Election Officer, Pu Lalhmansanga chuan kaihruaiin he hun hmanpuitu District Election Officer, Pi Juhi Mukherjee, IAS chuan BLO te chu ECI hmanraw pawimawh, a bulthuma hna pawimawh tak thawktute an nih avangin an hnathawh chu a pawimawh thu sawiin, dik leh fimkhur taka thawk turin a chah a ni. He hun hi  Pi Teresy Vanlalhruaii MCS, Training Observer leh Project Director DRDA ni bawk pawhin hmanpuiin BLO te chu ECI hmanraw pawimawh, mipui hne hnai bertu an nih avangin anmahni bial chhung hre chiang turin a fuih a, an hna thawh turte pawh uluk leh fimkhur taka thawk tura chahin, hriatthiam loh leh harsatna an neih chang pawh a hotute rawn hreh lo turin a chah bawk. Serchhip District chhungah hian Polling Station 77 awm mekin heng te hi 26-Serchhip ah 23; 27-Tuikum ah 29 leh 28-Hrangturzo ah 25 te an ni a, 28-Hrangturzo biala BLO te tan hian tun thla ni 23 khan hetiang training hi North Vanlaiphai-ah neih ni tawhin tun \umah hian Ser-chhip leh Tuikum biala BLO te tan training hi neih a ni.