Zu khap chungchang ah BJP in sawrkar an zawt

BJP Mizoram chuan ZPM sawrkar kal mek chu Mizoram Liquor Prohibition (MLP) Act, 2019 an hmang nge he Act hnawl hian Zu zawrh tumin Zu an thlah zalen mek tih an zawt.

Niminpiah a thuchhuah an siamah BJP Mizoram chuan tunlai hian Aizawl khawpuiah leh hmundang ah Zu a tam hle tih sawiin, Sawrkar chu Zu an zuar duh a nih chuan huaisen takin zuar law law se an duh thu an sawi a, MLP Act, 2019 an hmang a nih erawh chuan dan leh thupek huaisen takin kengkawh se tiin sawrkar chu an ngen tih an tarlang a ni. BJP chuan sawrkar hmasa atangin Zu khap mahse a rukin a zalen tih sawiin, Engtik lai pawhin Zu in miin an duh hun hunah lei tur an hmuh thu leh Aizawl khawpui chhunga Restaurant tam takah Zu an zuar tel niin an sawi a. Tun anga khap ni chunga zalen taka Zu a awm reng tho si ai chuan dan siamthain phal mai se, a ruka Zu zawrh mek chu dan hnuaiah zawrh tirin a hlawkna pawh sawrkarin tel zawk mai se an duh thu an sawi a. Chutiang sawrkarin a ngam lo a nih chuan tuilairapa awm loin an dinnaah huaisen taka ding tlang turin sawrkar chu an ngen tih an sawi bawk a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man