Loan rul tha duh lo mi 6 te ram chhuhsak a ni

izoram Rural Bank (MRB), Champhai Branch hnuaia Loan la, rul tha duh lo mi 6 te ram dahkham chu Champhai District Magistrate James Lalrinchhana thupek angin nimin khan chhuhsak an ni.

Champhai District Magistrate James Lalrinchhana chuan Securitisation and Reconstruction of Financial Assets and Enforcement of Security Interest Act,2002 (SARFAESI Act, 2002) hnuaiah Champhai khawpui chhunga loan rul tha lo mi 6 te laka dan kengkawh turin nimin khan thupek a tichhuak a. Dr. Manesia Khaimeichho, Sub-Divisional Magistrate, Champhai District kaihruaiin MRB hotute leh Police te'n SARFAESI Act, 2002 hnuaia Section 14 (14)(i) in thuneihna a pek tlawhchhanin loan lak nana dahkhamte chu loan rulh that loh (Non-Performing Assets) avangin lilam turin an chhuhsak ta a ni.

Nimin-a SARFAESI Act, 2002 hmanga loan rul tha lo ram dahkham chhuhsakte hi Champhai khawpui chhunga Dinthar Veng-ah 2, New Champhai-ah 2, Vengthar-ah pakhat leh Jail Veng-ah pakhat te a ni a. Ram chhuhsak tak 6 te hlutzawng belhkhawm hi a hniam thei ang bera chhutin Rs. 96,24,899/- vel a ni a, loan rulh ngai la bang hi Rs 97,76,895/- a ni a. Heng Loan rulh ngai aiah hian an ram dahkham chhuhsakte hi bawhzui tul angte tihfel a nih hnuah lilam tura ruahman a ni ang.

SARFAESI Act, 2002 hmang hian District Magistrate, Champhai District thupek bawhzuiin April ni 5, 2024 khan Champhai khawpui chhunga In dinglai 5 te chu loan rulh that loh avangin chhuhsak an lo ni tawh bawk a ni. 

Comments

Popular News (Last 30 Days)

Bawngchawm tlang khualbuk rawktu nia hriat mi 2 man