Buhfai mamawh Myanmar a\anga la turin FCS&CA Minister in Myanmar tlawh dawn.

Mizoram mamawh buhfai te Myanmar a\anga lakluh a nih theih dan tur chungchang ngaihtuah turin FCS&CA Minister, Pu John Ro-tluangliana chuan nimin khan Champhai thlengin Vawiin ah Tidim (Myanmar) a tlawh zui leh nghal ang.

FCS&CA Minister Pu John Rotluangliana chuan North East Mega block vanga Mizoram in kan mamawh ei leh bar 60% lakna pui ber Bairabi rel kawng a tawp tak avangin tunah hian khawchhak lam a\anga kan mamawh te lakluh dan kawng dap turin a kal tih a sawi a, ei leh bara kan mamawh ber buhfai anih thu sawiin, tunah hian Mizoram in kan kawl sa buhfai hi ren taka hman in thla thum tla awrh chauh a nih thu leh Mega Block hi thla ruk chhung tura ruahman ni mahse hei aia a rei a nih a rinawm avangin tun a\anga ei leh bar hi buaipui a nih loh chuan kan \am a hlauhawm tih a sawi a. Tunah hian khawchhak lam a\anga buhfai lakluh dan tur pawh FCI a\anga kan lei \hinna Rs. 29.81 aia tlawma lei theih beisei a nih avangin Myanmar hi tlawh a tum tih sawiin, Vawiin hian Zokhawthar a\angin Tidim hi a pan dawn a ni.
    Central sorkarin FCI hmanga Myanmar buhfai Mizoram tan chawkluh a tum bakah Mizoram sorkar pawhin man tlawm zawka Myanmar a\anga Buhfai chawkluh dan a ngaihtuah mek a, heta tan hian Mizoram sorkar chuan Tender chhuahin Tender chhanna pawh a hawng tawh a, buhfai Supply tur thlanna erawh chu Chief Secretary kaihhruai, State Purchase Committee in hun reilote chhungin a chingfel dawn a ni. Zawhna chhangin Pu John Rotluangliana chuan tun dinhmunah Mizoramah buhfai chhek-khawl quintal 190,000 chuang a awm niin a sawi a, buhfai dah theihna kudam hrang hrangah chuan dahkhah niin, tun thla ni 1 a\anga Bairabi Rel Station khar a nih hnuah pawh Bairabi-a FCI kudam-ah Guwahati a\anga buhfai rawn phurh \hahnem tak dah a nih tawh thu a sawi bawk.