Rampuma RTI Week hman mek pualin Serchhip-ah he Week puala inkhawm neih a ni.

Rampuma Right to Information (RTI) Week hman mek pualin nimin Oct. 30, 2014 khan Serchhip-ah inkhawm neih a ni a, he hun hi Mizoram State Information Commissioner Pu L. Hrangnawna, IPS (Rtd) chuan khuallian niin a rawn hmanpui a ni.

Nimin a Serchhip DC’s Conference Hall-a RTI Week puala inkhawm ah hian Mizoram State Information Commissioner Pu L. Hrangnawna IPS (Rtd) chuan Right to Information chu mipuite chanvo, langtlang sorkar leh hlemhletna tello sorkar siamna tura hmanraw \angkai tak ani tih mipuiten an hriatchian a ngai a ni, tiin ram hrang hrangte pawhin kum engemaw zat kalta ah an lo hman \an tawh thu leh India ramah pawh kum 2006 a\anga hman \an a nih thu a sawi a. Department hrang hranga SAPIO/SPIO leh DDA te chu an hna an hrechiang hle tur an ni tih sawiin, RTI kaltlanga zawhna an dawn pawhin zawhna chiah chhan tur a nih thu leh zawhna bak chhan tur anih loh thu te, zawhna an chhan reng rengin a \an chhan dan leh hrai te ziahlan zel tur a ni thu te leh rihthu a chhan loh tur a nih thu a sawi a. SPIO atan Department \henkhat ten Junior Officers an ruat \hin thu sawiin, an hna an la bel loh \hin avangin RTI zawhna chhan kawngah harsatna a tam \hin a, hei hi siam\hat a \ul hle a ni, a ti bawk.
    Nimin a Serchhip-a RTI Week hawnna inkhawm hi Pu Andrew H. Lalremruata, MIS, DIPRO chuan kaihruaiin District Bawrhsap Pi Juhi Mukherjee, IAS in Keynote address pe in, Pi B. Malsawmtluangi, MCS, SDC paper buatsaih ‘RTI leh Mipuite’ tih chu zirho a ni a, zawhna leh chhanna hun hman niin mipuite hnen a\anga RTI leh a kaihhnawih zawhna hrang hrang awmte chu Information Commissioner Pu L. Hrangnawna, IPS (Rtd) in a chhang a, Pu Lawmkima, MCS, SDO(Sadar) in lawmthu sawina hun hmangin hnu a khar a ni. RTI Week 2014 hi Oct. 26, 2014 a\anga Oct. 31, 2014 thlenga hman tur niin nimin a he Hapta puala inkhawm hi Mizoram Information Commission, I&PR Department leh Serchhip DC Office \angho in an buatsaih a ni a, Serchhip town area a sorkar pisa hrang hranga SPIO, SAPIO leh DAA bakah tlawmngai pawl, VC, PRISM leh MZP aiawhte bakah zirlai sawm bik te leh thuthar lakhawmtute an tel a ni.