Kum 10 chhungin Mizoram-ah mahni intihlum 663 chhinchhiah.

Kum 2005 September thla a\anga kumin 2014 (October 13) inkar, kum 10 chhung khan Mizoram-ah mahni intihlum mi 663 an awm tawh ni a chhinchhiah a ni a, kumin chhungin mahni intihlum hi mi 65 an awm leh tawh niin New Life Charity Society (NeLICS) record ah tarlan a ni.

Dr. Zawmsanga Sailo, NeLICS Chairman sawi danin, kum 2005 a\ang khan Mizoram-a mahni intihlum hi NeLICS hian a chhinchhiah \an a, mahni intihlum an chhinchhiah \an kum 2005 hian Mizoram ah mahni intihlum mi 44 awmin an zinga 40 hi mipa niin a bak mi 4 hi hmeichhia an ni a, kumin chhung hian mahni intihlum 65 chhinchhiah awm leh tawhin, mahni intihlumte hi kum 15 hnuai lam mi 4, kum 15-25 inkar mi 38, kum 25-45 inkar mi 21 leh kum 45 chung lam mi 2 an ni. Heng mahni intihlum zinga za a 75 (75%) vel chu mipa an ni. NeLICS in kum 2005 a\anga record an neih chinah Mizoram a mahni intihlum an chhinchhiah zinga upa ber chu mi kum 86 mi niin, inawkhluma hmuh a ni a, hetihlai hian mahni intihlum naupang ber chu mipa naupang kum 8 mi a ni a, ani pawh hi inawkhlum a hmuh bawk a ni. Mahni intihlum chhinchhiah ah hian \halai kum 15 a\anga 45 inkar an tam ber a ni.
    Dr. Zawmsanga chuan chuan Mizorama mahni intihlum chungchang hi kum sawm chhung an buaipui tawh tih sawiin, intihhlum tum mi eng emaw zat an chhanchhuak tawh niin a sawi a, "Intihlumte leh intihhlum duhna rilru púte chu \halai rilru lama harsatna tâwk an ni ber," a ti a. Nu leh pa thuawih lote'n rilru lamah harsatna an tawk nasa hle tih sawiin, "Sum thianghlim loa chawm seilen fate nun chu sualin a khawih chhe nasa hle tih kan hre phal lo fo," a ti a. Information Technology-a hmasawnna chu \halai tam takin an hman thiamloh avangin an nun a buai phah \an nia sawiin, "Sualin an nunah thiamna sang hmangin hna a thawk thei tih nu leh pate'n kan hriat a hun hle a ni," a ti bawk. NeLICS Chairman chuan mahni intihlum an chhinchhiah dan chungchang pawh sawiin, telephone hmangin Mizoram khua zawng zawng deu hthaw an be pawp \hin tih a sawi a, telephone a an biak \hin bakah hian a hmun ngeia kalin zirchianna te pawh an nei \hin niin a sawi bawk.