Finance Minister Pu Lalsawta chuan Mizoram sorkar Department hrang hrang ah website 125 awm tawh tih sawiin, hengte hi mipui mamawh chhawpchhuahna atan hman tura puahchah a ni, a ti.
He thu hi nimin Oct. 22, 2014-a Aizawl-a New Secretariat Conference Hall-a sorkar Revenue lakkhawm a lo pun theih nan a Business Model leh Mizoram e-payment chungchang sawiho neih a hmanpuina ah sawiin Finance Minister, Pu Lalsawta chuan mipuiin Sorkar awlsam zawka an dawr theihna tur leh Chhiah awlsam zawka an pek theihna turin ruahmanna hna chak taka kalpui mek a nih thu a sawi a, sorkar Department tinte chu mipuite mamawh apiang pe chhuak thei tura in puahchah tura chahin, tunah hian Mizoram Sorkar website 125 a awm tih sawiin, heng a\angte hian mipuiin an mamawh Service hrang hrang pechhuak thei turin Department tin te hma la tura beisei an nih thu a sawi a, a \ul anga website te pawh update fo turin Department te pawh beisei an ni tih Finance Minister, Pu Lalsawta chuan a sawi bawk. He sawihona hunah hian Parliamentary Secretary Pu KS. Thanga leh Sorkar mi pawimawh \hahnem tak telin sorkar in chhiah tam zawk a lak theihna tura awlsam zawka mipui ten chhiah an pek theih dan tur hrang hrang sawiho a ni.
Comments
Post a Comment