Hand Holding Policy kalpui dan tur Cm hovin rel a ni

Mizoram-a Hand Holding Policy kalpui dan tur relin nimin khan Mizoram State Policy Coordination Committee chu nimin khan Chief Minister Lalduhoma hovin an thukhawm.

Chief Minister Office-a he thutkhawm neih ah hian Chief Minister chuan beneficiary thlan thuah Line Department ten a hlawhtling ngei tur te chauh thlang thei se tih sawiin, “Duhsak zawng te hnena pek mai tur a ni lo tih hi kan hriatchian a tul hle a ni,” a ti a. Hand Holding Policy a nih ang ngeiin a dawngtute chu chik taka enkawl zui a, sum leh pai enkawl dan leh an hnathawh dan tur chena tanpui tur an nih thu sawiin Bana Kaih kalpui dan tur a tarlang a ni.

Meeting-ah hian PMEGP leh KCC Loan hmanga eizawnna bul tantu, tha taka an loan rul thei thlanchhuah te hnena Central Interest Subsidy awmsa baka Hand Holding atanga subsidy dang pek belh leh chungchang te, heng loan laa bul lo tan tawh engemaw harsatna avanga kal zui thei lo te khaichhuah dan (gap funding) tur te, Planning Board lam ruahmanna Zau hmalakna kalpui dan tur te an sawi a. Sawrkar Guarantor-a tanga a tling leh tlak te hnena loan pek chungchang pawh sawilan niin, he rua-hmanna hi chu chipchiar zawka la ngaihtuah that leh tur a ni ang.

He Meeting-ah hian Chief Minister's Special Hand Holding Package siam chungchang te pawh sawilan a ni. Heng ruahmanna an sawi te hi a tul anga la ennawn zel tur a ni a. Tun sawrkar kum hi Year of Cconsolidation (inpuahchah kum) a nih angin Hand Holding Policy hi huam zau lutuk lova bul tan phawt tur a ni ang.

Nimin-a Mizoram State Policy Coordination Committee thutkhawm neih ah hian Adviser to Chief Minister Dr. KC Lalmalsawmzauva bakah Member dang te an tel a ni.

Comments

Popular News (Last 30 Days)

Bawngchawm tlang khualbuk rawktu nia hriat mi 2 man