KVK te Solar Cold Storage hlan

Serchhip District KVK, North Vanlaiphai-a Solar Cold Storage bun hna chu zawhfel niin nimin khan KVK te kutah hian hlan a ni.
RKVY-RAFTAAR, 2021-22 hnuaia KVK North Vanlaiphai te'n an dawn Solar Cold Storage hi M/s Sashanka Agro Pvt. Ltd., Ranchi te chuan a bun hna rawn thawkin khawl pawimawh hrang hrangte tihfel a nih hnuah April 21, 2024 atang khan Company a mithiam ten a hnuhnung ber atan a remfel hna hi an rawn thawk a, an tihtur ang ang te an tihfel hnuah nimin khan Deepak Kumar, Project Incharge chuan khawl enkawl dan tur chu KVK-a thawktute an zirtir leh a, he hunah hian KVK-a Senior Scientist & Head Dr. T. Vanlalngurzauva bakah K. Lalmalsawmi, SMS (Home Science), Dr. Lian-sangpuii, SMS (Agri. Engg) leh Jeffrey Lalhmingmuana te telin khawl enkawl dan te a taka tihchhin a ni a. Hemi hnu hian Company aiawh Deepak Kumar, Project Incharge leh Dr. T. Vanlalngurzauva, Senior Scientist & Head ten khawl hi an inhlan a ni.

Comments

Popular News (Last 30 Days)

Vawiin-ah HSSLC Exam result

LPG man bithliah thar