Nov. 14-ah 'Zofate Chawlhbuk' sak nan lungphum phum dawn.

MZP Gen. Hqrs. chuan Borapansuri-I a MZP ramah Nov. 14, 2014 khian ‘Zofate Chawlhbuk’ sakna tur lungphum phumin Chawlhbuk hi sak \an nise an ti.

MZP Gen. Hqrs. hian nimin Oct. 30, 2014 khan Executive Meeting, Aizawl-a MZP Pisa Pui-ah neiin CADC huamchhunga Chakma te an huangtau lutuk leh a ram neitu Mizo leh sumdawng ten Chakma avanga vawi tam tak harsatna an tawk \hin chu pawi an tih thu an sawi a. Hetianga Mizoram a Mizo ten harsatna an tawh \hin hi duh lovin Borapansuri-ah hian 25th June, 2014 khan 'Zofate Chawlhbuk' sak bul \an nan ‘Waiting Shed’ sak a ni tawh tih sawiin, Mizoram sorkar thuneitute remtihpuina in Zofate Chawlhbuk sakna hmun atan Borapansury-I a FCS&CA Department ram, 2500 Sq.m. a zau chu sahthlak a nih tawh thu leh 2nd May 2014 khan teh felin 11th June 2014 khan sorkar pawhin Chawlhbuk sak phalna hi a tichhuak tawh tih an sawi a. Hei vang hian Zofate Chawlhbuk sakna tur lungphum chu 14th Nov., 2014 hian MZP ram Borapansuri-1 ah lungphum phuma sak \an tura an ruahman thu an sawi bawk.