NLUP dawngtu \henkhat hnena pawisa phut pekir leh turin MNF in an phut tih an sawi.

MNF East Block Serchhip chuan Serchhip-II VC a NLUP Committee in Department pahnih-a NLUP dawngtute chu pawisa pe turin an phut nia sawiin, heng pawisa te hi pekir leh turin an phut tih an sawi.

MNF East Block Serchhip hian nimin (Oct. 22, 2014) khan thuchhuah siamin Serchhip-II a NLUP Committee te chuan Agriculture leh Horticulture Department a\anga NLUP dawngtute chu pawisa pe turin an phut nia tarlangin, an pek loh chuan an hnathawh an endik dawnloh thu hrilhin an vaukhan niin an tarlang a. Agriculture a\anga NLUP dawngtute chu Rs. 10/- (cheng sawm) zel leh Horticulture a\anga NLUP dawngtute Rs. 30/- (cheng sawmthum) zel lak sak an ni tih an tarlang a. Hetihlai hian kan bialtu MLA, Chief Minister ni bawk chuan “NLUP sum hi tih chingpen chi a ni lova, sum hi a thawktu ten an it ve tur a ni lo,” tih chu a sawidan nia tarlangin, hetihlaia hetiang thil a thlen avang hian Bialtu MLA hian thil ti diklotute chungah hian action a la dawn em tih chu an zawhna a ni tih an tarlang a. Heng pawisa an lo laksak te hi a bo a bang awm lova pe kir leh vek turin an phut tih an tarlang bawk.
    Hei bakah hian MNF East Block Serchhip thuchhuah chuan Serchhip District mipui in kan mamawh ngawih ngawih, Serchhip damdawi In a Doctor- Hmeichhe Specialist leh naupang Specialist tun thlenga min la pe theilo chu zahthlak an tih thu pawh tarlangin, ‘ Kan Bialtu Chief Minister hian a bial mipuite hi engahmah a ngaihloh zia a tilang chiang hle,’ tiin an tarlang a. MLA a thlanglingtu te zah vang tal pawhin a rang thei ang bera heng Specialist hi rawn dah vat turin an phut tih an tarlang bawk. Tin, Serchhip Chanmari Veng-a Nursing School sak mek tihtawp lailawk a ni pawh pawi an tih thu MNF East Block Serchhip thuchhuah chuan tarlangin, bialtu MLA in a lo intiam ang ngeia a ram neitute nena inremna an lo siam chu tipuitling vata, hnathawh hi chhunzawm leh vat an phut thu an thuchhuah ah chuan an tarlang bawk.