Tui harsa; Tui tam ber lai

Lunglei khawpui tui tlan ber, Tlawng lui tui a kâm thut avangin hnianghnara tui sem tur a awm thei rih lo.

Lunglei-a PHE Department hotute chuan ruahtui a tlak loh rei tawh avangin Lunglei tui lakna, Tlawng tui hna a kam chak hle tih sawiin, Tui pump tur pawh nghah khawl a ngaih thin tak avangin ni khata darkar 24 pump theih thin chu tun dinhmunah darkar 20 chauh a pump theih tawh tih an sawi a. Tuihna hi a ni tela a tlem hret hret zel avangin ruahtui mumal taka a tla lawk lo a nih chuan Lunglei mipui ten tui lamah harsatna nasa zawk tawk thei reng tih an sawi bawk.

Hetihlai hian Champhai tui tlan Tuipui lui chuan kum 4 chhunga Tui tam ber tum a thleng ve thung a, PHE Department hotute chuan kum 2021 atang khan Tuipui lui-a Thal laia tui tam dan an enfiah thin thu sawiin, kumdang-a Thal laia tui awm aiin a let velin a tam niin an sawi a, hei hi kumin ah ruahtui a tlak hma vang nia a lan thu an sawi bawk a ni.