MPCC President in Ruahmanna siamsa in District puan niin sawi

MPCC President leh Chief Minister ni bawk, Pu Lal Thanhawla chuan MNF MLA, Pu Vanlalzawma’n inpuahchahna nei miah lova District thar 5 lai 1998-a Congress Sorkarin a siam ni anga a sawi chu thil a hriat chian loh vang a ni, a ti.

He thu hi nimin Oct. 21, 2014 a MPCC Executive Meeting, Aizawl-a neih ah sawiin MPCC President, Pu Lal Thanhawla chuan hetianga Pu Vanlalzawma’n a sawi chu pawi a tih thu sawiin, kum 1998 khan ruahmanna engkim siam veka thil tih a ni tih a sawi a. UT hunlaia Pu Ch. Chhunga hun lai tawh a\ang khan Congress Sorkar chuan District Reorganization Committee a din tih sawiin, he Committee hian Boundary kan neihte uluk taka enfelin State kan nih hnu a Congress in sorkarna a chan ve khan Boundary Committee tiin District Reorganization Committee hming chu a thlak thu leh Boundary Committee hian district boundary mai ni lovin Inter-State leh International Boundary thlengin a endik a, Boundary Committee hi tun thlengin kan la nei tih a sawi.
    Congress sorkarin District 5 thar a siam dawn khan Cabinet Memorandum siamin Cabinet remtihna lak a nih thu leh sum tel lovin District te hi siam mai theih a nih loh avangin District thar siam nan hian Budget-ah pawisa dah a ni tih Pu Lal Thanhawla chuan sawiin, “Chutiang chuan keini chuan Cabinet leh Budgetary Support neiin District thar 5 kan siam a. MNF Sorkarin kum 2008-a Distirct thar 3 a rawn siam khan Cabinet Approval emaw, Budgetary Approval emaw, Boundary tih chianna emaw engmah a awm lova, an puang ve tawp mai a ni. District thar 5 kan puan khan District Boundary tur te hi Boundary Committee hian uluk taka a rin hnuah keini chuan kan puang chauh a ni,” a ti bawk.
    Hei bakah hian  MPCC Pre-sident chuan District thar 5-te chu Congress sorkar khan a thuam famkim hman loh thu leh Term te lo tawpin Sorkar na a chelh tak loh avangin Congress tan chuan bawhzui ngaihna a awm lo tih sawiin, “Mahse Congress Sorkar hun tawp hma khan District thar 5-ah hian Deputy Commissioner leh Superintendent of Police-te chu dah hman vek an ni,” a ti a, sum leh pai harsatna avangin Department te chu dah kim theih an nih loh thu leh, District anga Function theihna tur erawh chu ruahmanna a nih thu bakah Treasury leh SBI Branch hawn hman a nih thu a sawi bawk.