Mizoram State Roads-II RTCP hawnna neih a ni.

Chief Minister Pu Lal Thanhawla chuan nimin khan Aijal Club-ah World Bank bultum Mizoram State Roads-II Regional Transport Connectivity Project a hawng.

He Project hawnna inkhawm ah hian Chief Minister chuan Mizorama kan inkalpawhna ber chu motor kawngpui anih avangin khawtin inkalpawhna leh kawng \ha kan mamawh hle a ni, a ti a, Central sorkar leh World Bank hmalakna zarah Mizoram State Roads Project-II kan nei tur chu lawmawm a tih thu sawiin, Project-I kum 2010 a zawh fel tak, Mizoram Hmarlam leh Chhimlam inkalpawhna, Aizawl-Thenzawl-Lunglei Road chuan zin hun chhung nasa takin a kaihtawi phah tih a sawi a. India sorkarin Look East Policy hian hausakna tam tak a keng a ni tih hriain, hmarchhak bial hi a rawn ngaipawimawh tawh hle tih sawiin, Mizoramin Bangladesh leh Myanmar ram te nena inkalpawhna \ha neih hian hmasawnna chak tak a thlen theih thu leh tuna he project ina a thawh hmasak tur, Champhai - Zokhawthar leh Tlabung - Kawrpuichhuah te hi an la pawimawh hle dawn tih a sawi bawk. He project hnathawh nan hian July 2014 - June 2015 chhung atan World Bank chuan US Dollar maktaduai 10.3 a rawn pechhuak tawh a, he sum hi Union Finance Ministrya Department of Economic Affairs kaltlanga rawn pek niin Mizoram State Roads-II Regional Transport Connectivity Project hnuaia kawngpui siam, tih zauh leh tih chak turte hi Tlabung - Kawrpuichhuah -12 km, Champhai - Zokhawthar - 27.25 km leh Chhumkhum - Chawngte -41.53 km te a ni.