In 3 rawktu nia hriat man nghal

Nimin-a Chhiahtlang-a chenna In pathum rawktu nia hriat Lalmuanpuia (22), Chhingchhip Venghlun nia insawi chu nimin khan manin Serchhip Police te kutah hlan a ni.
Thudawn danin nimin zing lam khan Chhiahtlang Kawn Veng-a K. Lalrochhara In chu rawk a ni tih hriat a ni a, Chhiahtlang South VC te leh mi tlawmngai ten misual chhui zui hna hi thawkin Chhiahtlang Hmar Veng-a Lalpianfela In chu rawk a ni tih hriat leh a ni a. Hei mai bakah hian Chhiahtlang Veng-chung-a Rohminga In pawh rawk a ni tih hriat a ni ve leh bawk a ni.

Heng In pathum atang hian pawisafai engemaw zat rukchhuah a ni a, Police te pawh hriattir nghal niin mi tlawmngai te nen rukru hi an chhui zui nghal a, heng In pathum rawktu ni ngeia hriat Lalmuanpuia (22), Chhingchhip Venghlun nia insawi hi a In rawk hnuhnung ber Rohminga In kawmthlang, Kawn Veng atanga Hmar Veng panna kawng-ah hian an man zui ta a ni. Chhiahtlang-a Police K. Chhandamthanga chuan Lalmuanpuia kut atang hian Rs. 22,660/- an hmuhlet bakah a pawisa ruk atanga a lei thawmhnaw te pawh hmuh leh a nih thu sawiin, nimin tlai khan Ser-chhip Police te kutah an hlan nghal a ni.