Serchhip District RGKA Competition hmasa ber ah Serchhip RD Block an champion.

Tunkar Thawhlehni, Oct. 14, 2014 a\anga neih Serchhip District RGKA Sports-2014 chu nimin Oct. 16, 2014 khan zawhfel a ni a, Serchhip RD Block chuan Block Champion lawmman an dawng a ni.

Sorkar laipui in thingtlanga infiammi te phochhuah an nih theihna tura ruahmanna a siam, Rajiv Gandhi Khel Abhiyan (RGKA) Serchhip District Competition kharna inkhawm hi nimin Oct. 16, 2014 tlai khan Serchhip-a BNRGSK Hall, Block Hqrs. ah neih a ni a. He hun hi Pu VL. Remliana, Addl. DC chuan khuallian nia hmanpuiin RGKA chu sorkar laipui in thingtlanga infiammi \ha tak tak, inphochhuahna hun \ha an neih theihloh avanga an thlen tur ang thleng phaklo te phochhuahna hun atana a ruahman a nih thu sawiin, he Competition hlawhtling taka neih a nih theihna tura Serchhip District Sports Committee in theihtawp an chhuah leh tluang taka zawhfel theih a ni chu lawmawm a tih thu a sawi a. Ram changkang kan la nih loh avangin infiamna ah infiammi zawng zawng tan eizawnna hmuh theih ala ni lo tih sawiin, hei vang hian infiammi te chu an infiamna avanga an zirna hlamchhiah lo turin a chah a. Infiamna chu ruihhlo laka fihlimna atana thil pawimawh tak a nih thu leh infiamna avanga zirna hlamchhiah chu thil tih hauhloh tur a nih thu hre reng turin infiammi kalkhawm te chu a chah bawk.
    Serchhip District Sports Committee Vice Chairman, Pu Lalthankima Ralte kaihhruai he hunah hian Organising Committee Secretary, Pu Lalremruata Ralte chuan report pein tun \uma RGKA Competition-ah hian Serchhip RD Block a\angin infiammi mipa 170 leh hmeichhia 103, an vaiin 273 leh East Lungdar RD Block a\angin infiammi mipa 64 leh hmeichhia 25, an vaiin mi 89 an tel thu sawiin, infiamna chi hrang hrang 10-ah inelna neih a nih thu a sawi a. A pumpui ah Serchhip RD Block aiawha tel ten point 96 hmua pakhatna niin lawmman ah Trophy an dawng a, East Lungdar RD Block in point 50 hmua pahnihna niin lawmman ah Trophy an dawng bawk a, Trophy te hi khuallian, Pu VL. Remliana, Addl. DC hian a hlan nghal a, kumdanga infiammi te tana sumfai lawmman an hlan \hin chu sorkar laipui in kalphung a thlak avangin lawmman dawngtute Bank Account-ah thunsak an ni tawh dawn thung a ni.